Пәнді оқытудың мақсаты – қазіргі химия ғылымының негіздерін меңгеру.
Пәнді оқытудың міндеті – химияның негізгі стехиометриялық заңдарын, периодтық заң құрылысың, химиялық кинетика мен термодинамика заңдарын, ерітінділер теориясын және осылардың негізінде элементтердің қасиеттерін тереңдетіп қарастыру арқылы кең көлемде теориялық базаны қалыптастыру болып табылады.
Пәнді оқыту нәтижесінде студенттер білуге тиісті: білуі керек: атом-молекулалық ілімнің негізін білу, химияның негізгі стехиометриялық заңдарын білу және оларды есептер шығару кезінде пайдалана білу; периодтық заңды пайдалана отырып кез-келген элементтің электрондық конфигурациясын жаза білу; элементтердің және олардың қосылыстарының қасиеттерінің өзгеруінің жалпы заңдылықтарынын білу, оларды сипаттау үшін химиялық байланыстар (ВБӘ, МОӘ) теориясының негізгі қағидаларын қолдана білу; химиялық процестердің жүру заңдылықтарының негізін білу; химиялық термодинамиканың және кинетиканың заңдарын қолдана отырып химиялық реакциялардың жүру мүмкіндіктерін және жағдайларын аңықтай білу; химиялық процесстер өнімдерін болжай білу, тотығу-тотықсыздану реакцияларың теңестіре білу; негізгі топша элементтері, ауыспалы металдар, лантаноидтар мен актиноидтар химиясының ерекшеліктерін білу; металдардың табиғатта кездесу формаларын, оларды алудың жалпы әдістерін білу; комплексті қосылыстардың құрылымын, олардағы химиялық байланыстардың теориясын білу; электрохимия негіздерін білу.
