1.ЖАЛПЫ МАҒЛҰМАТТАР: ЖОО атауы: С.Ж.Асфендияров атындағы Қазақ Ұлттық Медицина университеті
Модуль: «Фармацевт-фармакогност»
Пән: Ботаника
Мамандығы: «5В110300» – Фармация
Сағат көлемі (кредит) 90 сағат / 2 кредит
Курс – 1, семестр - І
2. Бағдарлама: 2.1.Кіріспе. Ботаника фармакогнозия пәнінен дағдылар мен іскерлікті игеруге қажетті негізгі бөлімдерді қалыптастыратын жалпы теориялық курс болып табылады. Ботаника - фармацевт мамандарды дайындауға қажетті маңызды пәндердің қатарына кіреді. Дәрілік өсімдіктер, фармакогнозия курсын үйрену үшін негізгі пәндердің бірі болып саналады. Өсімдіктер дәрілік препараттар алынатын шикізат болғандықтан медициналық практикада маңызды орын алады. Пәнді үйрену кезінде студент өсімдіктің құрылысын, анатомиялық морфологиялық маңызын, терапевтикалық әсер көрсететін заттар жиналатын жасушаларының және түрлерінің құрылымын, биологиялық активті заттардың (БАЗ) жиналуы және бөлінуіндегі өсімдік ұлпаларының маңызын, вегетативті және репродуктивті органдарының құрылымының өзіне тән ерекшеліктерін әрі қарай дәрілік заттарды анықтауға және де оларды фитотерапияда қолдануға мүмкіндік беретін медико-биологиялық маңызын үйренеді.
