«Тыңда!» бұйрығы бойынша оқушылар аяғын бел денеге қатысына қарай тұрысын өзгертпейтіндей етіп тіктейді. Бұл қимыл шапшаң орындалады және бұл қалып сөре ысқырығына дейін тіркеледі.
Сөре ысқырығы бойынша жүгіру екі аяқпен тепкішке тебілуден басталады. Барынша тіктелген аяқтардың күшін жұмсау бағыты жүгіруді барынша тез бастап, ең жоғары жылдамдыққа тез жетуге мүмкіндік береді. Тебілу бұрышының азаюы алдыңғы тепкішке тірелетін аяқтың бел-бөксе буынында дененің иілуін сақтауға жәрдемдеседі. Артқы тепкішке тірелетін аяқты тіктеуді аяқтаған соң ол тез алға жіберіліп, денемен үшкір бұрыш жасап, тізе артқа тасталмайды және табан алдына жолдан төмен түседі. Бұл аз уақытта онымен кері тебілуге жағдай жасайды. Алғашқы қадамдарда жүгіру жылдамдығын қосу жүгіру тәсілінің осы элементіне көп тәуелді болады.
