Л. Н. Гумилев атындағы

Аталмыш конференцияғы Ресей, АҚШ, Франция-ЮНЕСКО, Сингапур, Болгария, Литва мемлекеттерінен белгілі қоғам және мемлекет қайраткерлері, БАҚ басшылары мен кәсіпқой журналистер, депутаттар, тарихшылар, саясаттанушылар, солардың ішінде Ғаділбек Мінәжұлының достары мен әріптестері: публицист Мұрат Әуезов, жазушы Төлен Әбдіков, ҚР ҰҒА академигі Жабайхан Әбділдин және PhD докторы Aydemir Okay және тағы басқалар қатысады деп күтілуде.

Ғаділбек Мінәжұлы Шалахметов қазақстандық электронды БАҚ-тың дамуына ғана емес сондай-ақ, «Мир» мемлекетаралық телерадиокешенінің дамуына да үлкен үлес қосты. Ғаділбек Шалахметов қазақстан тарихындағы ҚР Президенті баспасөз қызметінің тұңғыш жетекшісі, ҚазССР Мемтелерадиосының төрағасы, ҚР Парламент Мәжілісінің III шақырылымының депутаты қызметтерін атқарған тұлға. Бүгінде Л.Н.Гумилев атындағы ЕҰУ-де телерадио және қоғаммен байланыс кафедрасының меңгерушісі, болашақ БАҚ өкілдеріне өз тәжірибесімен бөлісіп жүрген Ғаділбек Шалахметов 70 жаста. Кәсіпқой тұлғаның 300 астам кітабы, ғылыми және публицистикалық мақалалары, көптеген документальді фильмдері мен телебағдарламалары жарық көрді.

Конференция қарсаңында Мәскеу қаласындағы ҚР Елшілігінде Ғаділбек Шалахметовтың мерейтойына арнлаған «Қазақстан достары» атты кеш өтті. Мерейтойға арналған кешті Ресей Федерациясындағы Қазақстан Республикасының Елшілігі, «Мир» мемлекетаралық телерадиокешені және Халықаралық телевидение, радио және баспасөз академиясы ұйымдастырды. Осы кеште Ғаділбек Шалахметовпен ұйымдастырылған сұхбаттар мен өлеңдер жинағы кітабының тұсауы кесілді.

Белгілі мемлекет және қоғам қайраткері Ғаділбек Мінәжұлы Шалахметовтың 70-жылдық мерейтойына арналған «Бақ. Билік. Қоғам» атты халықаралық ғылыми-тәжірибелік конференция Л.Н.Гумилев атындағы Еуразия ұлттық университетінің Журналистика және саясаттану факультетінің (деканы Қайрат Сақ) тікелей ұйымдастыруымен өтуде.