Кептертектестер отряды. Бұл отрядқа дене тұрқы орташа, шағын жақсы ұшатын құстар жатады. Оның 2 отряд тармағы бар: а) кептерлер; ә) бұлдырықтар. Кептерлердің жем-сауы жақсы дамыған. Балапандары қызылшақа. Көпшілік түрі ормандарда кездеседі. Ал, бұлдырықтар далалы, шөлейтті жерлерде таралған. Кең таралған түрлері – аққұрсақты және қарақұрсақты бұлдырықтар және кезқүйрық (саджа).
Тотықұстектестер отряды. Дене тұрқы орташа, шағын 325 түрлі орман құстары, көбіне тропикалық, субтропикалык аймақтарда таралған. Тұмсықтары доғал әрі өткір. Кеңінен тараған түрлері: ара - (Оңтүстік Америкада), айдарлы какаду - (Австралияда), сұр жако - (Африкада), кеа (нестор) тотықұсы - (Жаңа Зеландияда).
Достарыңызбен бөлісу: |
