Қазіргі құстардың жеке отрядатрына сипаттама. Қоқиқазтектестер отряды.
Бұл отрядқа мойны, аяқтары ұзын құстар жатады. Тұмсықтарының түбі дөңес, ал ұшы төменге қарай иілген. Топтанып тіршілік етеді. 6 түрі бар. Кеңінен тараған түрі – қызғылт қоқиқаз (қызыл канат). Қазақстандағы Қорғалжын қорығы – қоқиқаздар мекені деп аталады. Балапандары ширак. 5-6 жылда жыныстық жетіледі.
Қазтектестер отряды.Бұл отрядқа дене пішіні әр түрлі (200 граммнан10 кг. дейін) құстар жатады. Тұмсықтары жалпақ әрі жиектері араның тісшелеріндей тілімденген. Алдыңғы үш саусағының арасы жүзу жарғағымен байланысқан. Құймышақ бездері жақсы дамыған. Балапандары ширак 150-ден астам түр бар. Жер шарында кеңінен таралған. 2 отряд тармағы (паламе-дийлер және нағыз қазтектестер) бар.
Үйректер тұқымдасынын түрлері кеңінен таралған. Оған қаздар, аққулар, өзен үйректері жатады. Қаздардан – сүр каз, кұрғақ тұмсықты қаз кең аймақтарда кездеседі. Аққулардан – кіші аққу, сыбырлақ аққу, сұңқылдақ аққу көптеген су айдындарында таралған. Сүңгуір үйректерден – гага үйрегінің қауырсының кәсіптік мәні зор.
