Сызу пәні бойынша оқушылардыңдайындықдеңгейінеқойылатынталаптар Оқушылардың дайындық деңгейі пəндік, тұлғалық, жүйелік-əрекеттік нəтижелері бойынша бағаланады.
Пəндікнəтижелерекіаспектідеайқындалады: білуітиісжəнемеңгеруі тиіс.
БІЛІМ: 9-сыныпты аяқтағанда оқушылар:
1) КҚБЖ (конструкторлық құжаттардың бірыңғай жүйесі) стандарттарының сызба дайындауына қоятын негізгі талаптарын: пішімдер, сызба сызықтары, сызба қаріптері, өлшем қоюдың негізгі ережелерін;
2) жұмыс орнын ұйымдастырудың жəне сызба құралдарын пайдаланудың тиімді ережелерін;
3) қарапайым геометриялық құрылымдар əдістерін: өзара параллель жəне перпендикуляр түзулері, кесіндіні, бұрышты жəне шеңберді тең бөліктерге бөлу, түйіндесулер мен сопақшаны салуды;
4) проекциялаудың негізгі əдістерін: тік бұрышты жəне аксонометриялық проекцияда жазық жəне кеңістіктік фигураларды салуды;
5) геометриялық денені деңгей жазықтығымен қиғанда пайда болатын қимасын салу жəне геометриялық денелері беттерінің өзара қиылысу сызықтарын тұрғызу əдістерін;
6) көріністер мен тіліктерді, қималарды орындаудың негізгі ережелерін;
7) қарапайым тетікбөлшектің эскизін жəне сызбасын орындау жүйелілігін;
8) ажырайтын жəне ажырамайтын біріктірулер түрлерін, бұранданың шартты кескінделуін жəне белгіленуін, болтпен, винтпен біріктірудің кескінделуін;
9) құрастыру сызбасының ерекшелігін, спецификацияның арнауын, құрастыру сызбасын оқу жəне бөлшектеу ретін;
10) құрылыс жəне топография сызбаларының ерекшеліктерін, олардың машина жасау сызбаларынан айырмашылығын;
11) компьютерлік графикалық бағдарламада қарапайым геометриялық пішіндердің сызбасын орындауды білуі тиіс.
БІЛІК: 9-сыныпты аяқтағанда оқушылар:
1) сызбасы мен көрнекі кескіні, қарапайым жазбасы бойынша нəрсенің пішінін талдауды;
2) моделдің жəне тетікбөлшектің комплексті сызбасындағы (эскизіндегі)
басты көрінісін, көріністердің тиімді санын тандауды;
3) қарапайым моделдің жəне тетікбөлшектің комплексті сызбасында керекті көріністерді, тіліктерді жəне қималарды салуды;
4) қарапайым құрастыру бұйымның сызбасын оқу жəне тетікбөлшектерінің сызбасын орындауды;
5) қарапайым құрылыс жəне топография сызбаларын оқуды;
6) компьютерлік графикалық бағдарламада қарапайым геометриялық пішіндердің сызбасын орындауды;
7) өмірде, тұрмыста жəне адамның кəсіптік жұмысында графиканы пайдалану мысалдарын келтіруді;
8) шығармашылық мазмұны бар есептер шығарғанда алған білімдерін пайдалануды меңгеруі тиіс.
Тұлғалықнəтижелер,оқушылар: 1) Қазақстан Республикасының Конституциясын, КҚБЖ стандарттарының талаптарын құрметтеуді;
2) белсенді азаматтық ұстанымын, елінің игілігіне еңбек жасауға дайындығын көрсете білуді;
3) салауатты өмір салтын ұстану, жұмыс орнын жəне жұмыс пен демалыс режимін тиімді ұйымдастыру дағдыларының қалыптасуын;
4) адамдар арасындағы қатынастың биік мəдениетін таныту, этикалық нормаларды сақтау, оқытушыларды, өз жолдастарын қадірлеуді;
5) тұлғаның шығармашылық потенциалын жетілдіруге əсер ететін белсенділікті жəне жағымды эмоционалды сезінушілік тəжірибесін көрсетуді;
6) өздігінен білім алуға жəне жасампаз еңбекке дəлелділігі мен шығармашыл еңбектенуге қабілеттілігін айқындауы тиіс.
Жүйелік-əрекеттікнəтижелер,оқушылар: 1) сызбаны орындау жəне оқу барысында игерген білімдерін тəжірибелік іс-əрекеттің басқа түрлерінде;
2) əр түрлі əдістермен алынған ақпаратты талдай, жөндей, жинақтай жəне пайдалануды;
3) жобалау жəне құрастыру əдістерін шығармашылық есептер шығарғанда пайдалануды;
4) қазіргі ақпараттық-коммуникациялық технологияларды;
5) курс шеңберінде дамыған байланыс қабілеттіліктеріне жəне көптілді мəдениеттілігіне иеленуді, техникалық терминологияны қолдануы тиіс.
Міндетті графикалық жұмыстар тізімі: 1) сызықтар түрлері және қаріптер;
2) шеңберді тең бөліктерге бөлу және түйіндесулер;
3) көпжақтардың проекцияларын құру, бетіндегі нүктелерді табу, аксонометриялық проекциясы мен жазбасын құру;
4) айналу денелерінің проекцияларын құру, бетіндегі нүктелерді табу, изометриясы мен жазбасын құру;
5) ойығы бар қиық моделдің кешенді сызбасы;
6) геометриялық денелер тобының сызбасы (бақылау жұмысы);
7) моделдің кешенді сызбасын көрнекі кескіні немесе аксонометриялық проекциясы бойынша құру;
8) моделдің екі көрінісі бойынша үшінші көрінісін құру;
9) қарапайым немесе күрделі тілікті (таңдауы бойынша) қолданып, тетікбөлшектің сызбасын құру;
10) қималарын орындап тетікбөлшектің сызбасын салу;
11) бұрандалы біріктірулердің сызбасы (болтпен, винтпен және/немесе шпилькамен біріктіру);
12) тетікбөлшектің эскизін көрнекі кескініне немесе құрастыру сызбасына қарап салу (өлшемдерін қою);
13) тетікбөлшектің сызбасын эскизі бойынша немесе конструкциясын жарым-жарты өзгерту арқылы салу;
14) ғимарат сызба-нұсқасының және қасбетінің сызбасы;
15) қажетті тіліктерімен техникалық суреті (алдыңғы 1/4 қиылған) орындалған тетікбөлшектің сызбасын салу (бақылау жұмысы).