Бақылау сұрақтары: 1 Зертханаларда жануарлар бруцеллезін
балаудың принципі. 2 Бруцеллезге микробиологиялық диагноз қою үшін
алынған материалдарды алу тәртібі мен техникасы. 3 Ауруды балау
үшін бактериологиялық зерттеу жүргізу тәртібі. 4 Бруцеллаларды
идентификациялау тәсілдері мен олардың патогенділігі. 5 Зертханалық
жануарларға биосынама қалай қойылады? 6 Бруцеллезді балауда
қолданылатын серологиялық тәсілдер, олардың практикалық маңызы.
ТУБЕРКУЛЕЗ ҚОЗДЫРҒЫШЫ Туберкулез қоздырғышы –
Mycobacterium tuberculosis . Ауыл
шаруашылық малдары мен адамдарға қауіпті микобактериялар
қатарына:
Mycobacterium tuberculosis – адам туберкулезінің
қоздырғышы;
Mycobacterium bovis – мүйізді ірі қара туберкулезінің
қоздырғышы;
Mycobacterium avium – құстар туберкулезінің қоздырғышы
жатады
. Туберкулез – әр түрлі органдар мен ұлпаларда ерекше
түйіндердің (туберкулалар) түзілуімен сипатталып, адамдар мен
жануарларға ортақ созылмалы ауру.
