Темірбек ЕСЖАНОВ,
республикалық "Ел тілегі"
газетінің бас редакторы,
Қазақстан Республикасы білім
беру ісінің құрметті қызметкері.
Алғашқы қоңырау
Алғашқы қоңырау
Алғашқы қоңырау
Алғашқы қоңырау
Алғашқы қоңырау
Арал ауданындағы З.Шүкіров атындағы
№20 Бөген орта мектебінің ұжымына
Талайға Алтын ұям өріс болған,
Ауласы жас шәкіртке тегіс толған.
Алғашқы қоңыраудың
сыңғырымен,
Кеудеде лүпілдейді періште арман.
Күлімдеп күн төккенде шуақ алдан,
Кішкентай жүректерде тұнады арман.
Еркесі бір-бір үйдің құлақ түріп,
Қоңырау сыңғырына тұра қалған...
Артында балалықтың қалған ізі,
Бәрінің албырайды алма жүзі.
Алғашқы қоңырауды сыңғырлатқан,
Мезгілдің мизам шуақ-арма, күзі!
Өткіздім көп жылдарды... көп күндерді,
Айтшы, сол арманыма жеттім бе, енді?!
Алғашқы қоңыраудың үніменен,
Бала боп баяғыша кеткім келді...
Білімнің басқан алғаш баспалдағын,
Бәріңе айқара есік ашты арманың.
Келешек көшіне еріп,
осы жолда
Телегей теңіз болсын тасқан бағың!
Беліңді буып бекем шыққанда алыс,
Болашақ тұлпар болсын тіптен шабыс.
Осылар деп білемін күні ертеңгі,
Маңдайы жарқыраған Мұхтар... Қаныш...
Сүйкеген танауына жеңді жаңа,
Ашатын "Әліппені" енді ғана.
Сағынып ата-анасын кетті ме екен,
Топтағы боздап қоя берді бала...
Бір сәтке ала ма әсте бала тыным?!
Жыбырлақ ал мынаның қара, түрін.
Мазасыз досын бала жанындағы,
Жеңінен жұлқылайды ол ақырын.
Қимаған балалықтың тәтті елесін,
Әне, ұстаз әзер қосты сапқа досын.
Ол да ертең ақ желкенді арманының,
Айдында жүздіреді ақ кемесін.
Достарыңызбен бөлісу: |
