Прогрессивті (үдемелі) келісімді еңбекақы. Бұл жүйеде еңбекақы төлеу алдын ала белгіленген мөлшерді келісімді баға бойынша, ал мөлшерден артық өндіріс көлемі үшін жоғары баға бойынша жүзеге асады. Яғни, белгіленген нормадан артық орындағаны үшін қосымша сыйақы түрінде жоғары бағамен төленеді.
Сыйақылы келісімді еңбекақы. Бұл жүйе еңбек нәтижелерін сандық жэне сапалық түрғыда жақсарту үшін жұмыскерлерді ын- таландыру мақсатында қолданылады. Мұндай еңбекақы өндірісте өнім өндіруді саны мен сапалық жағынан артығымен орындағаны, шикізаттар мен материалдарды, отындар мен энергияны үнемді де ұтымды пайдаланғаны, еңбек өнімділігін өсіргені үшін сыйақы ретінде төленеді.
