6-лекция Педагог-психологтың педагогикалық іс-әрекеті және оның тұлғасы Қысқаша мазмұны: Педагог-психологтың кәсіби іс-әрекетінің түрлері. Педагог-психологтың кәсіби іс-әрекетіне сипаттама. Педагог-психологтың негізгі кәсіби іс-әрекет түрлері: психодиаглностика, психопрофилактика, психологиялық ағарту және кеңес, психокоррекция мен әлеуметтік-диспечерлік.
Педагогикалық үдерісті басқа-рудағы педагог-психолог іс-әрекетінің функциялық түрлері мен әдістері. Педагог-психологтың педагогикалық үдерісті бақсарудағы рөлі. Педагогикалық үдерістегі педагог-психолог іс-әрекетінің функциялары: түзетім- дамытушы; оқытушылық; ғылыми-әдістемелік; әлеуметтік-педагогикалық; тәрбиелік; мәдени-ағартушылық.
Педагог-психологтың жалпы және кәсіби мәдениеті: мәні, өзгешелігі, өзара байланысы. Жалпы және кәсіби мәдениет туралы түсінік. Педагогикалық мәдениет ұғымы. Педагог-психологтың кәсіби мәдениетінің негізі. Педагог-психолог қызметінің қағидалары.
Білім беру мекемелеріндегі әлеуметтік ортаның үйлесімділігі. Әлеуметті ортаның үйлесімдігі ұғымы. Білім беру ортасының үйлесімдігін қамтамасыз етуде педагог-психологтың рөлі.
Педагогикалық үдерісте педагог-психолог қызметінің әлеуметтік, психологиялық және педагогикалық сипаты күрделі. Себебі, педагог-психолог қызметіндегі басты түйін педагогикалық үдеріске қатысушылардың рухани дүниесінде болып табылады. Педагог-психологтың кәсіби іс-әрекет түрлеріне сипаттама береміз.
1. Психодиагностикалық жұмыстар - ол әрбір жас кезеңдеріндегі білім алушылардың өзіндік психикалық процестерінің даму ерекшеліктерін түрлі зерттеу әдістері мен әдістемелерін қолдана отыра анықтайды. Психодиагностикалық жұмыстарды білім беру ұйымдарының педагог-психологтары мынадай мақсатта жүргізе алады:
- білім алушылардың психикалық дамуы оның жас ерекшеліктеріне сай келе ме? Әрбір білім алушы жеке жұмыс жүргізу мақсатында олардың қабілетін ерте анықтау үшін психологиялық зерттеулер жүргізеді;
- тұлғаның жас дамуынан төмен психикалық ауытқушылықтарының себептерін, мінез-құлықтың бұзылу себебін анықтауға арналған диагностикалық зерттеулер жүргізеді;
- Білім алушылардың ересектермен (педагог, ата-ана), өз құрбыларымен қарым-қатынасының мазмұнын, қарым-қатынастың бұзылуының кейбір психологиялық себептерін анықтауға байланысты жұмыстар жүргізеді.
