Өңештің синтопиясы: Өңештің басталар жері — жүзік тәрізді шеміршектің артында жатады. Әрі қарай ол мойын бөлігі болып кеңірдектің артында жатады. Мойын аймағында өңеш ортаңғы сызықтан солға қарай иіліп, кеңірдек-өңеш жүлгесін (sulcus tracheoesophageus) түзейді. Онда сол жақ қайтарма нерв пен лимфатикалық түйіндер жатады. Оң жақтағы аттас нерв кеңірдек артында өңештің қаптал беткейінде орналасады. Өңеш артында бесінші фасция (fascia prevertebralis) астында мойынныц ұзын бұлшықеттері орналасқан. Өңештің артында, төртінші және бесінші ф асция арасындағы кеңістікте май шелі орналасқан. Кеңістік жоғары да жұтқыншақ артына, ал төменде артқы кеуде аралығының май шеліне жалғасады . Өңештің бастапқы бөліміне қалқанша без қапталының төменгі ұшы жанасады . Бездің сол жақ қапталы өңештің артқы бетіне қарай созылуы мүмкін. Осы жерде жүзік тәрізді шеміршектен 1,5 — 2 см арақашықтықта, өңештің қаптал қабырғасына, қалқанша бездің төменгі ұшының артқы бетіне бағытталған төменгі қалқанша без артериясы жатады. Өңештің сырттарында жалпы ұйқы артериялары өтеді. Өцештің солға қарай орналасқан бөлігіне аорта доғасы, сол жаң бүғана артериясы, сол жақ жалпы ұйқы артериясы , сол жаң кезбе нерв жақын орналасады. Керісінше, өңеш оң жақта орналасқан болса, өңешпен жоғарыда көрсетілген құрылымдар арасы алшақтай береді.
