Оқыңыз
(ресурс: Алгебра-9 сынып оқулығынан 101-103 бет. Ықтималдықтар теориясының элементтер3, п. 30.
|
Есіңе сақта !!!
Ықтималдықтар теориясы - кездейсоқ жағдайлардың пайда болу заңдылығын зерттейтін математиканың бөлігі.
Мысалы, Денсаулық сақтау министрлігінің темекі шегудің денсаулыққа зияны туралы ескертуін күнделікті өмірде темекі қорабының сыртында, жарнама тақтасында және тағы да басқа жерлерде жиі кездестіреміз. Бұл жазба қай уақытта және қашан пайда болған? Мұндай қорытындыға дүниежүзінің дәрігерлері темекі шегетін адамдардың денсаулығын бақылап, талдау жасауының нәтижесінде келген.
Статистика – мәліметтерді жинау және талдау ғылымы. Ол адам өмірінде маңызды рөл атқарады. Статистиканың негізгі бөлігі өте үлкен объект жиынтықтарын сипаттау қажеттілігімен байланысты. Мұндай жиынтықты бас жиынтық деп атайды. Бас жиынтық, мысалы, Астана қаласының тұрғындары, теледидар шығаратын зауыттың айлық өнімі, мектеп оқушылары, болуы мүмкін.
Анықтама: Белгілі бір жағдайда орындалатын немесе орындалмайтын мағынасы бар құбылыстарды кездейсоқ оқиғалар деп атайды. Оқиғалар латын алфавитінің үлкен әріптерімен белгіленеді: А, В, С...
Берілген шарт бойынша міндетті түрде орындалатын оқиға ақиқат оқиға деп аталады.
Егер оқиға сынақ нәтижесінде міндетті түрде орындалмайтын болса, онда жалған оқиға деп аталады және Ø деп белгіленеді.
|
