Автотрансформаторлар.Трансформаторлармен қатар біріншілік және екіншілік орамдар арасында электр байланысы бар автотрансформаторлар кеңінен қолданылады. Автотрансформатордың бір орамынан екіншісіне қуат магнит өрісімен де, электр байланысы есебінен де беріледі. Трансформаторлар үлкен қуаттарға және жоғары кернеулерге салынады және энергожүйелерде қолданылады, сондай-ақ шағын қуатты қондырғыларда кернеуді реттеу үшін қолданылады.
Автотрансформаторлар трансформаторлардан ерекшеленуі, оларда төменгі кернеулі орама жоғары кернеулі орама бөлігі болып табылады, яғни бұл орамдардың тізбектері тек магнитті емес, гальваникалық байланыс болады.
Конструкциялық тұрғыдан автотрансформаторлар іс жүзінде трансформаторлардан айырмашылығы жоқ. Магнит өткізгіш өзекшелерінде екі орам орналасады. Шығыстары екі орамнан және жалпы нүктеден алынады.
Бірфазалы екі орамды автотрансформаторлармен қатар үшфазалы екі және үш орамды автотрансформаторлар жиі қолданылады.
Үшфазалы автотрансформаторларда фазалар әдетте бейтарап нүктемен жұлдызша қосылады (сурет.22). Кернеуді төмендету қажет болған жағдайда электр энергиясын А, В, С қысқыштарына беріп және а, в, с қысқыштарынан алады, ал кернеуді арттыру кезінде - керісінше. Оларды қуатты қозғалтқыштарды іске қосу кезінде кернеуді төмендету үшін, сондай-ақ электр пештерінің қыздыру элементтерінің қысқыштарындағы кернеуді сатылы реттеу үшін құрылғы ретінде қолданады.18.
