Өсімдіктердің сыртқы орта қолайсыздығына төзімділігі.
40-жұмыс Қанттың цитоплазмалық қорғаныштық қасиетіне әсері Қажетті құрал -жабдықтар: Асхана қызылшасының тамыр жемісі немесе қызыл капуста жапырақтары, 1,0 және 0,5 М сахароза ертінділері, 8 % ас тұзының ертіндісі, үлкен ыдыста қар немесе мұз, құрғақ ас тұзы, тұз мен қарды араластыру үшін қалақ, термометр, скальпель, фарфор табақша, пробиркалар, пробирка штативі, микроскоп, заттық және жабын шынылар, сорғыш қағаз, 10 мл –ік цилиндр.
Жұмыс барысы: асхана қызылшасын тамыр жемісінен қалыңдығы 1 мм шамасында жұқа кесінділер алынады. Ал егер капуста немесе асхана қызылшасының жапырақтары алынған жағдайда, қалыңдығы 3-4 клетка қалыңдығындай кесінділер алынып пайдаланылады. Тамыр жемістен кесінді алынған жағдайда кесінділерді стақандағы суға салып, зақымданған клеткалардың бояуы кеткенге дейін суда жуылады. Үш приборка алып, оның әрқайсысына 3-4 кесінділер салып даярлайды. Пробиркаларға белгілер салып, бірінші пробиркаға сондай мөлшерде 0,5 М сахароза, ал үшінші пробиркаға 1М сахарозаның 3 мл құйылады.
Төменгі температуралық жағдай жасау үшін үш бөлім қарға бір бөлім ас тұзын салып, қалақпен араластырғанда шамамен - 20С болады. Жоғарыда даярланған 3 пробирка қардың арасына 15-20 минут ұсталады да, стақандағы суға салып, мұзын ерітіп, ерітіндінің түсі салыстырылады. Ал клеткалардың тіршілік қабілетін 8% ас тұзының ерітіндісімен плазмолиздеп анықтайды. Егер клетка плазмолизденсе, онда оның тіршілік қабілетін сақтағандығы.
