39-жұмыс Гидротропизм Қажетті құрал -жабдықтар:Зығыр тұқымдары, шыны банкалар немесе қырлы стақандар, банкінің аузын жабатындай шыны пластинка, банкінің ішіне сиятындай екі шыны пластинка, сорғыш қағаз, қайшы.
Жұмыс барысы: Шыны банканың немесе стақан ішіне сиятын екі шыны пластинкалары алынып, оларды сорғыш қағазбен орап, ылғалдап, оның бір жақ ұшынан 3-4 қатар 1 мм қашықтықта сүйір ұшын төмен қаратып зығырдың құрғақ тұқымдары теріледі. Тұқым терілген шыны пластинкасын ыдыстағы аздаған судың үстіне тұқымдарды төмен қаратып орналастырады. Бір банканың үстін шыны пластинкамен жауып, екінші банканы ашық қалдырып, қараңғыда өсіреді. Үсті жабық банкада ауа ылғалдылығы артады да, ал ашық қалдырылғанда, су тек сорғыш қағаз бойымен ғана қамтамасыз етіледі.
Бірнеше күннен кейін тәжірибелер алынып, өзгеріске түсінік келтіріледі.
Пысықтау сұрақтары: Не себепті үсті жабық банкадағы зығыр тамырлары суға түспей кейін қарай иіледі?
