Сабақтың тақырыбы: Ер Тарғын Сабақтың мақсаты



Дата26.08.2017
өлшемі98,56 Kb.
#28816
Сабақтың тақырыбы: Ер Тарғын

Сабақтың мақсаты: халық ауыз әдебиеті үлгілерімен таныстыру, түсініп оқу, мәнерлеп оқу дағдыларын қалыптастыру; мәтінді талдау қабілеттерін дамыту; белсенділіктерін дамыту. Батырлар жыры туралы оқушыларға жан-жақты түсінік беру. Елін қорғау, Отанын, халқын сүю батырлар жырының басты қасиеттері екендігін оқушыларға ұғындыру. Ер Тарғынның ел намысын ту етіп, елін қорғау үшін қиындыққа төзе біліп, жауын жеңетіндігін түсіндіру. Ой дамыту: әр түрлі стратегиялар арқылы ойлау қабілетін, ауызша сөйлеу мәдениетін дамыту.

Сабақтың тәрбиелік мақсаты: Өз Отанын, халқын шын сүйетін нағыз патриот етіп батылдыққа, жігерлікке тәрбиелеу.

Сабақтың дамытушылық мақсаты:

1.Оқушылардың жырды оқу арқылы сын тұрғысынан ойлауын дамыту.

2.Білетін ақпараттарын жаңа мәліметтермен толықтыру.

Сабақта күтілетін нәтижелер:

1.Оқушылардың жырды оқу арқылы сын тұрғысынан ойлауын дамыту.

2.Сол сезімін әңгімелеп беруге ынталандыру.

Сабақта қолданылатын стратегиялар:

1.Ой қозғау.

2.Галереяны аралау.

3.Түртіп алу жүйесі.

1.Топпен жұмыс.

Сабақта пайдаланылған көрнекіліктер: ватман, қағаз, маркер, түрлі-түсті батырлардың, Ер Тарғынның суреттері, батырлар жыры туралы көрме, күйтабақ, үнтаспа, карточкалар т.б.

Сабақтың барысы:

1.Ұйымдастыру кезеңі. Ой ашар.

2.Үй тапсырмасын тексеру.

Үйге берілген ерлік туралы мақал-мәтелдерді жатқа айту, сол мақалдарға арнап сурет салу әңгімелеу тапсырылған. 2, 3 оқушыдан сұралып, қалған оқушылар “Галереяны аралау” стратегиясы бойынша үй жұмысын пысықтайды.

ә) күз туралы суреттер көрсету, әңгімелеу.

Жаңа сабақ: Ер Тарғын жырынан үзінді.

Сабақты бастамас бұрын бір шумақ өлең оқылады.



Ой қозғау: Енді “Ер Тарғын” сөзіне түсінік берейік, жұпта ой толғау. Ер сөзіне түсінік: ойларын тізбектеп жазамын: ер, ерлік, батыр, ер жүрек, жауынан қорықпайды, жалғыз жауға шабады, мықты т.б. Ер Тарғын жыры туралы айтып, суретін көрсетемін, не байқағандарын сұраймын, басқа да қазақ батырлары туралы сұрақ-жауап аламын.

Ал, балалар, енді кітаптың (27-бетіндегі) “Ер Тарғын” жырынан үзінді берілген, соны оқып танысамыз. Қалам алып, түртіп алу жүйесі бойынша (+, ?, v, –) жұмыс жүргізіп, сөздік жұмысты жүргізетінімізді ескертемін.

Мәнерлеп оқытамын. Диалог сұраққа жауап аламын.

- Жыр кімнің атынан баяндалған?

- Жырда қанша кейіпкер бар? т.б. сұрақтар қоямын.

Сөздік жұмысын (—) жүргіземін. Түсінбеген сөз, сөз тіркестерін өздерінен сұрақ-жауап алып, күрделі сөздерге түсінік беремін. Рольмен оқытамын. Топта талдау жұмысы, топпен жұмыс стратегиясы бойынша әр үй тобына сұрақтар жазылған карточкалар таратылады. Әр топқа (5 минут) уақыт беріледі.



Топпен жұмыс:

І топтың сұрағы: Жырда қандай батырлар бар?

Оқиға қай заманда болған?

Тарғын кіммен кездесті?

Не үшін кездесті?

Оның сырт бейнесінен нені байқадың?

ІІ топтың сұрағы:  Домбауыл қай елдің батыры?

Ол қандай адам деп ойлайсың?

Саған үнады ма?

Жоқ әлде ұнамады ма?

Неге ұнамады?

ІІІ топтың сұрағы: Жырдан қалмақ батырларының сөзін тап.

Ол Ноғай елінің батырын неге теңейді?

Дұрыс па? Неге?

Келісесің бе?

Келіспейсің бе?

ІV топтың сұрағы: Ер Тарғын қай елдің батыры?

Оның жауабын тауып бер, саған ұнады ма?

Тарғын қандай деп ойлайсың?

Мінездеме бер.



V топтың сұрағы: Тарғын қалай аман қалды?

Оқиға қалай жалғасты?

Екі батырдың шайқасуы туралы не айтар едің?

Кім жеңіске жетті?

Топпен жұмыс талданып болған соң әр топқа уақыт беріліп, қағаз таратылады. Сонан соң ақ ватманға қорытынды ой жазылады.

Сабақты қорыту.

-         Біз бүгін не үйрендік?

-         Батыр болу, елін қорғауға дайын болу т.б.

Сабақты бағалау: Сабаққа жақсы қатысқан оқушыларға шашу ретінде сыйлықтар таратылып, бағаланады.  

Үй тапсырмасы: Жырдан үзінді беріліп, музыка тыңдату, сыйлық үлестіру, қонақтарға дулығаның суретін тарату. Тілек: “Сіздерді батыр бабаларымыздың рухы қолдап, қорғап жүрсін!”
Сабақтың тақырыбы: Тасбақаның шөбі

Сабақтың мақсаты: Оқушылар мәтіннің мағынасын талдай отырып, тасбақа туралы жалпы білімін кеңейтетін болады.

Сабақтың түрі: Дамытушылық сабақ.

Сабақтың дамытушылық мақсаты:

1.Ойлауға үйрету, өз пікірін айтуға үйрету.

2.Өз байқаулары бойынша өзіндік ізденістерге жетелеу арқылы білім беру.

3.Әр түрлі стратегиялар арқылы ашық қарым-қатынасқа үйрету, бала бойындағы қабілеттерді ашу.

1.Сын тұрғысынан ойлау қабілеттерін шыңдау.

Сабақта қолданылатын әдістер: ой қозғау, негізгі идеяны суреттеу, сұрақ қою, топпен жұмыс, 5 жолды өлең стратегиялары.

Міндеттер:

1.Мазмұнына байланысты: мәтінді толық талдай отырып, тасбақа туралы алған білімін өз өмірінде қолдана алатын болады.

2.Сын тұрғысынан ойлауды дамыту, мәтінді т.б. қосымша материалдарды зерттеп талқылап, тасбақа жайлы алған білімін өз бетімен ұйымдастырып, талдау жасай алатын болады.

3.Топпен жұмыс: кішігірім топтарда жұмыс жасай отырып, қорытынды жасайды.



Көрнекіліктер: Автор потреті, тасбақаның суреті, қосымша мәтін (теңіз тасбақасы), ватман, кесте картасы.

Бағалау: Бақылау, салыстыру кестесі.

Барысы: Ұйымдастыру (жаңаша топқа бөлу).

Үй тапсырмасы: Үйге берген Т.Молдағалиевтің “Гүлдер” атты өлеңін мәнерлеп оқу, өзі қалаған гүлдің суретін салу, ол туралы әңгіме немесе өлең жазу. “Гүлтәж” жасаудан жарыс.

Жаңа сабақ: “Тасбақаның шөбі”.

І. Қызығушылықты ояту.

Ой қозғау стратегиясы: Тасбақа жайлы не білесіңдер немесе не білемін деп ойлайсыңдар? Серіктесіңізбен сол жайлы пікір бөлісіп, талқылап, пікірлесіңіз. Серіктесіңіз не білетінін сұрап, ортаға салыңыз. Шағын топтарда талдап, орталарыңыздан лидерге сөз беріңіз.

Мағынаны ажырату сатысы: INSERT стратегиясы бойынша жұмыс жасау жолын ескерте отырып, мәтінді оқу барысында қарындашпен белгі қоюларын ескертемін.

V – білемін

+ — жаңа білім

—   — білмедім, түсініксіз

? – таң қалдым, зерттеймін.

Сыныпта v, – екі белгімен жұмыс жүргізіледі де, +, ? белгісі бойынша үйге кесте толтыру тапсырылады.



Топпен жұмыс: карточкалар таратылады.

Ой толғаныс сатысы: Әр топ басшысы және т.б. оқушылармен тек сұрақтар бойынша талдау жүргізіледі. Енді тасбақа туралы 5 жылды өлең жазамыз. Оқушылар өздерінің авторлық дәптерлеріне өз өлеңдерін жазады.

1.Не? – Тасбақа.

2.Қандай? – Үлкен, қоңыр, шегір көзді.

3.Не істейді? – Тарбаңдайды, бұғады, тұқшаңдайды.

4.Жусандағы тасбақа.

5.Ол – бақыт арқалаған тасбақа т.б. өлеңдерін жазады.

6.Шағын топтарда жазған өлеңдерін талдау, әр топтан ортаға бір оқушыға сөз беремін.

7.Жалпы қорытынды ойды тақтаға ватманға жазамын.



Сабақты қорыту: Тасбақа жайлы не білгендері туралы әр оқушыдан жеке сұрау.

Бағалау.

Үй тапсырмасы: “Еркін жазу” стратегиясы бойынша әңгіме жазу тапсырылады.

Сабақтың тақырыбы: Ормандағы оқиға

Мақсаты: Қайнекей Жармағанбетов жайлы қысқаша түсінік беру, ертегідегі негізгі идеяны ұғындыру.

Міндеттері:

1. Достық, бірлік қарым - қатынастарының құндылықтары жайлы әңгімелесу.

2. Ойын толық жеткізе білу шеберлігін дамыту.

3. Адалдыққа, әділеттілікке тәрбиелеу.



Әдіс тәсілдері: сыни ойлау, топтық жұмыс, әңгімелесу және оқыту, бағалау.

Күтілетін нәтиже: Достық, бірлік қарым қатынастарының маңыздылығын ұғынады, әлеуметтенеді, өзін өзі реттейді.

Ресурс: маркер, постер, плакат, суреттер, оқулық.

Сабақтың барысы:

I. Ұйымдастыру кезеңі: оқушыларды сабаққа дайындау.

II. Үй тапсырмасын тексеру: «Ең жақын кім адамға?»

III. Жаңа сабақ: а) топқа бөлу

- Бүгінгі сабағымыз топтық жұмыс түрінде өтеді (сыныпты суреттерді құрастыру арқылы топтарға бөлу). Топпен жұмыс ережесін қайталау. Топтың аты мен ұранын құрау, жазу

Ә) қызығушылықты ояту

- Қайың, қараағаш, тобылғы жайлы не білесіздер?

- Орман дегеніміз не?

- Ендеше қазір сіздер алдарыңыздағы плакаттың ортасын сызықпен бөліп, бір

жағына табиғаттағы осы ағаштарды суреттеп жазасыздар.

1 - топ: Қайың

2 - топ: Қараағаш

3 - топ: Тобылғы

Топ жұмысын тыңдау

Б) мағынаны тану.

1. «Болжау» стратегиясы. Оқулықпен жұмыс.

- Қазір сіздер «Ормандағы оқиға» мәтінін оқисздар. Бұл әңгімеде сіздерге таныс, осыған дейін қолданылған барлық сөздер кездеседі. Сіздер бұл ертегіні бірнеше үзіліспен оқисыздар. Яғни мен тоқтатқанға дейін оқисыздар. Содан кейін сол оқылған бөлік бойынша талқылау жүргіземіз. Сондықтан әр сөйлемді зер салып оқу керек. Сонымен бірінші бөлікті бастаймыз (бір оқушы оқиды, қалғандары қол жүгіртіп қарап отырады) Тоқтатамын, талқылау:

- Бұл бөліктен не түсіндіңіздер?

- Ертегі немен жалғасуы мүмкін?

- Тобылғының сөзі қайыңға қалай әсер етеді деп ойлайсыздар?

- Ал, енді екінші бөлікті оқимыз. Тоқтатамын, талқылау:

- Бұл бөлікте не делінген?

- Алдыңғы сіздердің айтқан болжамдарыңызбен сәйкес келді ме?

- Енді не болады деп ойлайсыздар? Бұл ертегі немен аяқталуы мүмкін?

- Ал, енді үшінші бөлікті оқимыз. Тоқтатамын, талқылау:

- Бұл бөлікте не делінген?

- Алдыңғы сіздердің айтқан болжамдарыңызбен сәйкес келді ме?

- Екі ағаштың бір бірімен ренжісуіне не себеп болды?

- Қайың мен Қараағаштың қатты ашулануына Тобылғының қандай сөздері әсер етті деп ойлайсың?

- Қараағаштың қылығы көз алдыңа қандай адамды елестетті?

- Әңгіменің қай жері сіздерге әсер етті?

- Қандай сөздер қиын болды?

- Осы ертегіден көкейімізге не түйдік?

2. Сөздік жұмыс: Қосақ - сауу үшін ұзын арқанмен мойындарынан бір біріне тақап қосақтай байланған қой немесе ешкілер тобы.

IV. Жаңа сабақ бекіту: топтық тапсырма

- Сабақтың басында сіздер плакатқа табиғаттағы осы ертегідегі қайың, қараағаш, тобылғыны суреттедіңіздер. Енді сіздер ертегіге сүйене отырып осы үш ағаштың кейпіндегі адамдарды қалай суреттейсіздер соны айтып берсеңіздер және әр топ осы ертегідегі өздеріңізге ұнаған ағаштың суретін көз алдарыңызға елестете отырып, әр ағашқа «Бес жолды» өлең шығарсаңыздар.

V. Сабақты қорытындылау:

- Бүгін қандай тақырып өттік?

- Адалдық, шыншылдық дегенді қалай түсінесіздер?

Рефлексия: - Бүгінгі сабақ сіздерге ұнады ма?

VI. Үй тапсырмасын беру:

1 - топ: Оқиға желісін өзгертіп аяқта.

2 - топ: Ертегі бойынша сурет сал.

3 - топ: Осы ертегіге ұқсас ертегі жаз.

VII. Бағалау. Критерийлері:

1. Үй тапсырмасы

2. Топ жұмысына қатысу белсенділігі

3. Өз пікірін ашық айта алуы



4. Жұмыстың сапасы
Каталог: uploads -> doc -> 07c8
doc -> Ана тілі №2. Тақырыбы: Кел, балалар, оқылық Мақсаты
doc -> Сабақ жоспары «Сәулет және дизайн» кафедрасының арнаулы пән оқытушысы, ҚР «Еуразиялық Дизайнерлер Одағының» мүшесі: Досжанова Галия Есенгелдиевна Пәні: Сурет және сұңғат өнері
doc -> Сабақ Сабақтың тақырыбы : Кіріспе Сабақтың мақсаты : «Алаштану» курсының мектеп бағдарламасында алатын орны, Алаш қозғалысы мен Алашорда үкіметі тарихының тарихнамасы мен дерекнамасына қысқаша шолу
doc -> Тәрбие сағаттың тақырыбы: Желтоқсан жаңғырығы
doc -> Сабақтың тақырыбы : Әбунасыр Әл- фараби Сабақтың мақсаты
doc -> Сабақ жоспары Тақырыбы: Үкілі Ыбырай Мектеп:№21ом мерзімі
07c8 -> Сабақтың тақырыбы : Карталар әлеміне саяхат
07c8 -> Сабақтың мақсаты: Оқушыларды Биология және оған тығыз байланысты ғылымдыардың зерттейтін саласымен таныстыру
07c8 -> Сабақтың тақырыбы : хіү-ХҮ ғасырлардағы Қазақстан жеріндегі мемлекеттер: Алтын Орда, ноғай ордасы, дешті қыпшақ
07c8 -> Сабақтың тақырыбы: Абай Құнанбаев 31-қара сөзі Сабақтың мақсаты


Достарыңызбен бөлісу:




©www.engime.org 2024
әкімшілігінің қараңыз

    Басты бет