-жүргізуші: Туған жер, Отан туралы мақал-мәтелдерге кезек берейік

1. Отанды сүю ‒ Отбасынан басталады;

2. Туған жер – тұғырың,

Туған ел – қыдырың;

3. Опасызда Отан жоқ;

4. Отансыз адам – ормансыз бұлбұл.

1. Туған жердің жуасы да тәтті;

2. Отан үшін күрес,

Ерге тиген үлес;

3. Отан ‒ қуат

Отбасы ‒ шуақ.

1. Туған жердей жер болмас,

Туған елдей ел болмас;

2. Туған жердің күні де ыстық, түні де ыстық;

3. Отанын сүйген отқа жанбайды, суға батпайды;

4. Отан ‒ елдің анасы,

Ел ‒ ердің анасы.
Мақал-мәтелдерді «Жалғастыр» ойынымен жалғастырайық.
1. Ер бір рет өледі, Қорқақ (мың рет өледі);

2. Елінен безген ер оңбас, Көлінен безген (қаз оңбас);

3. Батыр ел үшін туады, (ел үшін өледі);

4. Отан үшін отқа түс, (күймейсің);

5. Сөз атасы-құлақ

Жол атасы ‒ тұяқ Су атасы ‒ (бұлақ);

6. Бейбіт елде (береке бар).
Оқушылар шығармашылығына кезек берейік.

Туған жерім ‒ Қазақстан

Менің туған жерім ‒ Қазақстан. Мен өз елімді өте жақсы көремін. Қазақстан жер көлемі бойынша тоғызыншы орында. Елімізде көп ұлт өкілдері тұрады. Олар ынтымақ пен бірлікте өмір сүруде. Мен 48 мектеп-лицейінің 2 «А» сыныбында оқимын. Біздің мектеп-лицей үштілді оқыту бағдарымен оқытылады. Алдағы арманым: қазақ тілін бірінші орынға қоя отырып, орыс, ағылшын тілдерін еркін меңгергім келеді.

Мен өскенде Қазақстанның гүлденуіне үлес қосатын қазақ қызы болғым келеді.

Қазақстан қазақ жері

Жайнай берсін жаңғырып,

Қазақстан қазақ елі

Жасай берсін мәңгілік!

Туған жер!

Менің кіндік қаным тамған жер ‒ киелі Оңтүстік Қазақстан облысы, Отырар ауданы, Шәуілдір ауылы. Әр адам өзінің туып өскен жерін мақтанышпен айтады. Отырар тарихқа тұнған шежірелі өлке. Отырар десем, ойыма әйгілі Отырар қаласы, Отырар кітапханасы еске бірден түседі. Отырар орталығында ұлттық мұражай бар. Отырар даласында ұлы ғұлама ғалым Әбу-Насыр Әл-Фараби, атақты композитор, вальс королі Шәмші Қалдаяқов, қоғам қайраткері, ақын, композитор Мұхтар Шаханов, халық ақыны Әселхан Қалыбекова және тағы басқа да атақты адамдардардың шыққаны мен үшін мақтаныш.

Азаттықтың, еркіндіктің аспаны астында қадамымызды нық басып, алға адымдап келеміз. Болашаққа деген сеніміміз жарқын. Тәуелсіз Қазақстанның өз дамуы жолында бірлігімізді нығайтып, үлкен жауапкершілікпен абыройлы істер атқаруға дайын болуымыз қажет.