Кіріспе Өлшеуге және шайқауға арналған аппараттар зертханада кеңінен пайдаланылады. Кез келген химиялық заттың ерітіндісін дайындау үшін міндетті түрде оның массасын анықтау керек. Заттардың массаларын өлшеу үшін таразы пайдаланылады.
Таразы ең алғаш б.з.д 5 мың жылдықта Ежелгі Египетте пайда болды. Сол кезде екі таяқшаның ұшына жүкті іліп екі жағы тепе – теңдік сақталғанның күткен. Ең алғашқы таразылар сондай түрде болған. Сауданың дамуына байланысты таразылар дами бастады. Зертханалық таразылар 1946 жылы, ал зертханалық таразылардың электрондық түрі 1973 жылы Швейцарияда пайда болды.
Өлшеуге арналған аппараттарға зертханалық, аналитикалық, метрологиялық, технологиялық, электрондық және т.б таразылар жатады. Шайқауға және араластыруға арналған аппараттар:эмульгирлеу, суспензиялау, ұйығыштығы аз сұйықтықтардың химиялық реакциясын жеделдетуге арналған шайқағыштар мен араластырғыштар. [1]
