Өзара көмек, достық, сыйластық,қарым – қатынастарың дамыту;
Достыққа,қамқорлыққа, татулыққа тәрбиелеу.
Өсиет- әңгіме
Ертеде бір ақылды қария болыпты.Бір күні ақылды қарияға бір жігіт келіп:
-Ақсақал,мен қандай жігітпін? Сынаңызшы, -депті. Қарт жігітке:
-Жолдасыңды көрсет, сонан соң айтамын,- депті. Жігіт жолдасын қартқа жіберіпті. Қарт жігіттің жолдасымен ұзақ сөйлесіп, ақырында жігіттің өзін шақырыпты. Жігіт келген соң, қарт:
-Шырағым,жаман жігіт емессің, - депті.
-Қалайша олай дейсіз? Мені бұрын көрген жоқсыз ғой?-депті жігіт. Қарт күліп:
-”Жігітті жолдасына қарап бағала” дейді халық,-депті.
( оқушыларға сұрақ қойылады)
-"Жігітті жолдасына қарап бағала” дегеннен нені түсінесіңдер?
(оқушылардың жауаптары тыңдалады)
Адам көбінесе өзінің мінезіне ұқсас адамдармен жолдас,дос болады.Шын жолдас,достар бірінің жақсы қасиеттерін екіншісі үлгі тұтады,бойына сіңіреді,олар бір-біріне өте жақын,бірін-бірі тез түсінісетін болып кетеді.Осындай жолдастық,достық қарым-қатынастардың арасындағы ең бағалысының бірі-адалдық.
Біз бүгінгі сабақта адал достық туралы әңгімелесеміз.
Әңгімелесу
Достықты, татулықты қалай түсінесіңдер?
Достарыңды ренжітіп алсаңдар, қалай татуласар едіндер?