СГД - пен науқас балалардың емін этиологиясы, морфологиялық өзгерістері, асқазанның секреторлық қабілеті мен моторлық бұзылыстарын ескеріп жүргізу жөн. СГД - ң көптеген варианттары болғандықтан емінде басты орында - диета. Асқазан секрециясы жоғары болса, майлы сорпа, қышқыл шырын мен жемістің орнына сүт, ботқа беру орынды. (1-мәзір). Керісінше, секреция қабілеті төмен болса, 2 - мәзір дұрыс. Өршу кезеңіндегі дәрілік ем бағытына секреторлық бұзылыстарды реттеу, Hp эрадикациясы, шырыштың заттек алмасуын жақсарту, дисмоториканы жою, нейровегетативті статусты қалыптастыру жатады.
