Емдік лапароцентезге арналған құрал-саймандарды жинау. Жасауға көмектесу.
Анықтама: емдік лапароцентез-бұл іш қуысын, емдеу мақсатымен (асцит жағдайында іш қуысындағы жиналған сұйықтықты сыртқа шығару үшін) тесу.
Мақсаты: іш қуысындағы сұйықтықты сыртқа шығару.
Қажетті заттар: стерильді салфетка, шариктер, хирургиялық, анатомиялық пинцеттер, скальпель, ине ұстағыш, ине, жібек №4 (1ампула), троакар,қайшы, шприц, новокаин, бөліністі жинайтын ыдыс, спирт-70%, лейкопластырь, резиналы қолғаптар, клеенкалы фартук, шылапшын.
Іс-әрекет алгоритімі:
Мейірбике науқасты тыныштандырып, науқасқа іс-шара барысын түсіндіріп, келісімін алады.
Науқасты орындыққа сүйендіріп отырғызамыз;
Науқастың алдына шабынан төмен клеенкалы фартук төсейміз, фартуктың етегі екі аяғының ортасына қойылған шылапшынға түсіп тұруы керек;
Хирург зарарсыздандырылған қолғаптар киіп, операциялық майданды спиртпен 3рет өңдейді;
Пункция орнын (кіндік пен қасаға ортасын) 0,5%-30мл новокаинмен жансыз-дандырады;
Жансыздандырылған жерден скальпелмен 2см көлемінде кеседі;
Троакарды кесілген жерден іш қуысына қарай енгізеді, тесіп болған соң стилетті суырып алады, сұйықтықты жәймен шығарады (сұйықтықты тез шығару коллапске алып келуі мүмкін);
соңында түтікті алып, теріге 2 жібек тігіс салынады;
тігіс үстінен асептикалық таңғышты лейкопластырмен жабыстырамыз.
Қолданылған құрал-саймандар дезертіндіге салынады.
Диагностикалық лапароцентезге арналған құрал-саймандарды жинау. Жасауға көмектесу.
Анықтама: диагностикалық лапароцентез-бұл іш қуысында патологиялық сұйықтықты анықтау мақсатымен іш қуысын (іш қуысы ағзаларының зақымдануында) тесу.
Мақсаты: іш қуысында патологиялық сұйықтықтың барын анықтау.
Қажетті заттар: скальпель, ине ұстағыш, ине, жібек №4 (1ампула), хирургиялық пинцет, троакар, резиналы қолғаптар, 3-4 дәкелі шариктер, салфеткалар, қайшы, хлорвинилді трубка, шприц Жанэ, 400мл фурацилин ерітіндісі, шприц, новокаин, бетадин, спирт-70%, лейкопластырь.
Достарыңызбен бөлісу: |
