Студенттерге арналған пән силлабусы

Ағымдағы сабақтарда орындалған барлық тапсырмалардың арифметикалық ортасынан рейтингке кіру рұқсаты шығарылады (сабаққа қатысу, үй тапсырмалары, БӨЖ бойынша тапсырмалары, іс-тәжірибе және басқадай тапсырмалар мен межелік бақылаулар бойынша).

Академиялық кезеңде алынған барлық ағымдағы және аралық бақылау бағаларының орташа арифметикалық мәні ретінде есептелетін рейтингке кіру бағасы:

РК = (АБ₁ + АБ₂ + АБ₃ +…. +АБ_n + МБ₁ + МБ₂) / (n+2), мұндағы РК –рейтингке кіру; АБ – ағымдық баға; АБ – межелік баға баға; n – ағымдық бақылау саны; 2 –межелік бақылау саны.

Пән бойынша қорытынды бақылауға жұмыс оқу бағдарламасының барлық талаптарын орындаған(барлық практикалық(семинар, зертханалық) жұмыстар мен БӨЖ, БОӨЖ тапсырмаларын орындап тапсырған), рейтингке кіру рұқсатын алған (50 ұпайдан кем емес) студенттер ғана жіберіледі.

Пән бойынша оң баға болып табылатын рейтинке кіру бағасын алмаған (50 ұпайдан кем емес) білім алушылар, емтиханға жіберілмейді.

Пән бойынша қорытынды баға автоматты түрде келесі формуламен есептеледі:

ҚБ = (Р₁+Р₂)/2*0,6+емтихан бағасы*0,4, мұндағы ҚБ – қорытынды баға, Р₁ – бірінші межелік бағылау; Р₂ – екінші межелік бақылау.

Егер білім алушының рейтингке рұқсаты, сонымен бірге қорытынды бақылау бойынша дұрыс бағалары болған жағдайда ғана пән бойынша қорытынды бағалары есептелінеді. Қорытынды бақылауға себепсіз немесе себепті жағдаймен келмей қалған жағдайда, «Емтихан бағасы» деген бағанға «0» (нөл) қойылады. Пән бойынша аралық аттестаттаудың нәтижелері сол күні студенттерге жіберіледі.