Қызылжар ауыл - өнер дарыған қасиетті мекен. Олай болатын себебі: ауылдан шыққан ақын, термеші, жыраулар көп-ақ. Жергілікті жердегі тұлғалар өз ауылының тарихын, табиғатын, қоршаған өсімдіктерді, өз сезімдерін әнмен өрнектеген. Өмірлері өнегеге толы ақындардың ғибратты сөздері кім-кімді де ынталандырады.
Кезінде Кеңес одағы тұсында тайдай тулаған балығымен ерекшеленген мекенде термені термелеткендер, таңды таңға ұрып, жырды жатқа айтқан жыраулар қаншама. Райым ауылдық округінің орталығы болып саналатын Қызылжар ауылы талай өнерлі мен білімділердің алтын ұясы болып саналады. Әсем әнімен елге танылған әнші Гүлнұр Оразымбетова, айтыскер ақын Ш. Сүлейменов, Г. Баймұратова сынды өнер иелері де осы ауылдың түлегі. Қызылжардан түлеген ақындардың легі – қазірде 1тобы Шымкентте болса, бір легі Қызылорда облыстарында. Жай қарапайым балықшы болып, өз кәсібінің айналасында ғана қалып қойған, көрінбей, құмға жасырынған құмырадай болған ақындар көзі қаншама.
Қызылжардан шыққан термеші - жыраулар есімі – республикаға аян. Қазіргі таңда аты аталмай, жабулы күйінде қалған ақын, термеші, жырауларды жаңғырту – біздің үлесімізде.
Ол үшін ауылдағы көнекөз қариялардың сөздері, тарих беттері, зерттеу, ізденістер қажет.
Жергілікті жердегі өнерді дарытқан өнер иелерін толық танып білу үшін, арнайы бағдарлама қажет – ақ. Ал сол бағдарламаны жасау үшін ең алдымен ауыл тарихын зерттеу, олардың әлеуметтік – мәдени және экономикалық аясының инфрақұрылымының қалыптасу ерекшелігін жан - жақты сараптау қажет.
Бұндай жан – жақты сараптау соңғы 10 жылдықтағы ауыл өмірінде күрделі мәдени - әлеуметтік жағдайлардың тамырын анықтауға мүмкіндік береді.
Бұл мәселені зерттеу маңыздылығы жергілікті ақындардың, термеші - жыраулардың көп жағдайларын анықтау мақсатында сандық, әлеуметтік, ұлттық білім құрылымдарының өткен кезеңдеріндегі өзгеруінің ғылыми тұрғыда бағалануынан туындаған.
Жоғарыдағы айтылған мәселенің бәрі - шығармашылық баяндаманың ең алдымен болжамдық аспектісінің маңыздылығын көрсетеді.
