Тақырыбы: «Көктем аруы»
Мақсаты: 1) Қыз балалардың жан дүниесіндегі көркемдік талғамын қалыптастыру, қазақ халқының қыз тәрбиелеу салт - дәстүріне байланысты әдептілікке, инабаттылыққа, ізеттілікке тәрбиелеу.
2) Балалардың барлық аналарға деген сүйіспеншілік сезімін ояту, ана еңбегін ардақтап, құрметтеуге, адамгершілікке тәрбиелеу.
3) Оқушының бойындағы өнері мен дарындылығын дамыту.
Кештің барысы: Қонақтарды кешке шақыру, оларды қарсы алу, қыздар арасында сайыс, тілек білдіру, өнер көрсету, құттықтау сөздер, қорытынды сөз, жалпы қорытынды жасау.
Бөлімі:
І. Қыздар сайысы ІІ. Аналарға құрмет
1. Өзін - өзі таныстыру.
2. Үй тапсырмасы
3. Өнер көресету
4. Мақал-мәтел
5. Сән үлгісі.
1 жүргізуші: Армысыздар, құрметті ұстаздар, аяулы ата-аналар, көрікті қыздар. Бүгін сіздер мектебіміздегі оқушы қыздарымыздың асыға күткен «Көктем Аруы» сайысын тамашалауға келіп отырсыздар! Қош келдіңіздер! Емен жарқын болайық. Көңіл сарайларыңыз ашылсын, күлкілеріңізден інжу-маржан шашылсын!
2 жүргізуші: – Сіздерді алда келе жатқан көктемнің алғашқы мерекесі 8 - наурыз халықаралық әйелдер мерекесімен құттықтаймыз. Дендеріңізге саулық, отбасыларыңызға амандық тілейміз. Осы мереке қарсаңында өткізіліп отырған «Көктем аруы» атты қыз сыны байқауына қош келдіңіздер!
Бейнежазба: «Аналарды құттықтау»
Тақпақ: Бастауыш сынып оқушылары.
Ән: «Құттықтаймын, мама!»
1 жүргізуші:
Мың бұралған арулар билей басып,
Келеді міне ортаға толқып тасып,
Аруларын сыйлаған халқым менің,
Көңілді қошеметпен қарсы алайық!
(Арулар сахна төріне М. Ералиеваның «Қыз сыны» әніне билеп шығады)
2 жүргізуші: – Сайысымыздың шарты бойынша қыздар гүлді таңдап, оның ішіндегі нөмерін алып, сол ретпен өнерін көрсетеді. Сайысымыздың кезеңдерімен таныс болыңыздар.
1. Өзін - өзі таныстыру.
2. Үй тапсырмасы
3. Өнер көресету
4. Мақал-мәтел
5. Сән үлгісі.
Әділдік пен шындықты арқа тұтқан,
Әділқазы алқасымен танысайық.-----------------------------------------------------
1 жүргізуші:
Көп сөйлеп жөн - жобадан аспайық біз,
Қандай сайыс болса да, қашпайық біз.
Ал, енді, халқым, рұқсат етсеңіздер.
“Көктем аруы” сайысын бастайық біз.
2 жүргізуші:
- Нұрын төккен көктемде алғашқы көрінген жауқазын бейнелі көрікті мейрам, әсемдік пен сұлулыққа, әдемілік пен нәзіктік қуатына табынтар сәт – әйелдер мерекесі тағы да құтты болсын деп сайысымызға қатысқалы тұрған аруларымызды таныстырамыз.
1 – сайыс: «Өзін - өзі таныстыру»
Өнер қуып арулар өтер деймін
Бір басына өнері жетер деймін.
Бәсекеге түскен бес ару кезектесіп
Таныстырып өздерін өтер деймін.
Таныстыру: Қыздар.
1 жүргізуші:
Мерекеге арналады бүгін билер.
Көтерілсін, қанекей, көңіл-күйлер.
Алдарыңызда қазіргі үнді биі,
Таң қалдырып қанекей би билеңдер, – демекші, ендігі кезекте «Қазақша вальс», қабыл алыңыздар!
Би: Ермуханова Аделя.
1 жүргізуші:
Сайыс: «Салт-дәстүрді білесің бе? »
Қыз сұлу көрінеді білімімен, демекші аруларымызға
Әдет - ғұрып, салт – дәстүрі қазақтың,
Жарасымды үйлесімді ғажап шын.
Ұмыт болған дәстүрлерді сақтайық,
Насихаттап, жаңартудан қашпайық.
-деп келесі сайысымыз «Салт-дәстүрді білесің бе? » деп аталады. Қыздары үйге берілген тапсырмасы бойынша дайындап келген салт -дәстүр туралы айтады.
2 жүргізуші: Келесі кезекте бастауыш сынып оқушылар дайындағын шағын көрінісімді тамашалайық.
Көрініс: «Үш ана»
1 жүргізуші:
Сайыс: «Өз өнері»
Кедеймін деп қысылма,
Өнерің болса қолыңда.
Өнерлінің ырысы,
Жарқырап жатыр жолында.
Сайыста ән салайық, би билейік,
Өнермен өрге басып кідірмейік. Арулардың өнерін тамашалайық.
жүргізуші:
Сайыс: «Мақал-мәтелді жалғастыр.»
Мақал-мәтел ғасырлар бойы сұрыпталып, салмақтанып, кемелденген сөз асылы, парасатты, тәрбиелі, әділ, сыншы, адал ақылшы. Келесі кезекті сөз мәйегі мақалды жалғастыру сайысына береміз.
Қыздарымызды ортаға шақырамыз. Қазір сіздерге мақалдың басы айтылады, сіздер жалғастыруларын қажет.
Ата-ананың қадірін...........................(балалы болғанда білерсің.)
Анаңа ауыр сөз айтпа!............................ ... ( Атыңа ауыр жүк артпа! )
Ананың сүті—бал, ............................................. (Баланың тілі — бал.)
Гүл өссе жердің көркі .........................................(Қыз өссе елдің көркі)
Қайтып келген қыз жаман,............................. (Қайта шапқан жау жаман. )
Әкеге қарап ұл өсер....................................(Шешеге қарап қыз өсер)
Қызым саған айтам......................................(келінім сен тыңда.)
1 жүргізуші: Ұлдарымыздың орындауында көрініс, тамашалайық.
Көрініс: «8 наурыз»
жүргізуші:
Сіздер- Күнсіз, аспанда жарқыраған,
Сіздер-өзен, тау суы сарқыраған,
Сіздер-ана, сіздер-жар, сіздер-қыздар,
Сіздер, жаңбыр, ақ нөсер сарқыраған.
Бейнежазба: «Аналар»
1 жүргізуші:
Сайыс: «Сән үлгісі»
Қазақ қызы - тамсандырған талайды,
Тоғжан болып ғашық қылған Абайды.
Қазақ қызы күлкісі күн, тілі бал,
Ай секілді асқақ ару арайлы - деп сән үлгісін көрсетуге аруларымызды ортаға шақырамыз.
жүргізуші:
Құлақтан кіріп бойды алар,
Әсем әнмен тәтті күй- дей келе оқушылардың орындауында әсем әнді қабыл алыңыздар
Ән: «Аналар алтын»
1 жүргізуші:
Өнердің сан түрлерін сараладым,
Дайынба, әділқазы бағаларың, - деп сөз кезегін әділқазылар алқасына береміз.
Әділқазылар байқаудың жеңімпазын анықтап, қорытынды жасайды.
Құттықтау, марапаттау.
2 жүргізуші:
Көркемдікке көмілген келбетіне
Көз тимесін деп достым сен де тіле
Көздері – күн, кірпігі сәуле сынды
Айна көктен жететін жер бетіне.
1 жүргізуші:
Сұлулықтың дүниеде барын қарап
Аққайың да ұрлана таңырқамақ
Пай - пай шіркін! Қыздардың құдіреті – ай
Ес еркінді әкеткен барымталап.- дей келе құрметті көрермендер, әсем гүлдей құлпырған қыздарымыз! «Көктем аруы» байқауы өз мәресіне жетті. Әрқашанда құшақтарыңыз гүлге, көңілдеріңіз шаттыққа толы болсын. Келесі кездескенше ел аман, жұрт тыныш болсын!!!
1
5
4
3
2
Достарыңызбен бөлісу: |