Жүргізілу барысы: «Сіздерге бірнеше сұрақтар берілген. Жауаптарыңызды арнайы шкала бойынша өңдеу арқылы әрқайсыңыздың өзіңізге тән ерекшеліктеріңізді анықтауға мүмкіндік туады. Тесттің әр тапсырмасына үш вариант жауап берілген. Олардың ішінде дұрыс немесе қате жауап жоқ. Әр адамның өз жауабы өзіне дұрыс. Сондықтан, тапсырманы орындау барысында онша көп ойланбастан, сұрақтарға бірінші дұрыс деп тапқан жауапты тауып, оның әріптік белгісін параққа жазып беру керек. Жауап парақ үшке бөлінген. Егер сіз жауаптардың ішінен «А» вариантын дұрыс деп тапсаңыз, онда бірінші бағанға белгі қоясыз, «В» вариантын дұрыс деп тапсаңыз – орта бағанға белгі соғып, ал «С» вариантын дұрыс десеңіз – үшінші бағанға белгі қоясыз. Тестті орындау ережесі түсіндірілгеннен соң әр балаға сұрақтар жинағы мен жауап беру бланкісі таратылып беріледі.
