Тадқиқотнинг амалий натижалари қуйидагилардан иборат
: ўзбек тили банк-молия терминларининг қўлланиши бўйича таклиф ва
тавсиялар ишлаб чиқилган;
мутахассис ва талабалар учун банк-молия терминларининг ўзбек
тилидаги изоҳли луғати (луғат-маълумотнома) нашрга тайёрланган;
банк-молия терминларининг семантик-структур таҳлили асосида ўзбек
тили банк-молия терминологиясида кечаётган жараёнлар, кўплаб халқаро
терминларнинг ўзбек тилида берилиши тавсифланган.
Тадқиқот натижаларининг ишончлилиги диссертацияда муаммонинг
аниқ қўйилгани; тадқиқот ишини юзага чиқаришда расмий манбалардан
олинган маълумотларга таянилганлиги; келтирилган таҳлилларнинг
асослилиги; ўзбек тили банк-молия терминологияси тадқиқи бўйича хулоса,
таклиф ва тавсияларнинг амалиётга жорий қилингани; олинган
натижаларнинг ваколатли тузилмалар томонидан тасдиқлангани билан
изоҳланади.
