3. Оқушылардың өздігінен ізденулері арқылы нақтылық, шығармашылық қасиеттерін дамыту.
Сабақтың барысы: Сыртқы интеграция.
Тыныштық сәті, шығармашылық жұмыс, топпен ән айту, дәйек сөз. Ұйымдастыру кезеңі. Сәлемдесу. Тыныштық сәті: (Баяу әуен қойылады)
Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.
Елестетіп көріңіз: Сіз кең жайлауда келе жатырсыз, даланың жылы самал желі сенің бойыңды ерекше сезімге бөлегендей, мұрныңа жасыл шөптің, әртүрлі гүлдің жұпар исі келіп, осы бір тамаша ауаны тереңірек жұтып, рахаттана демаласың. Кенет алдыңыздан әдемі киіз үйді көрдіңіз. Жайлап есігін ашып, ішіне ендіңіз. Жарасымын тауып орналасқан жиһаздар, жерге жайылған түрлі-түсті кілемдер сені қуанышқа бөлейді. Шаңырақтан төгілген күн шуақтары да сені бір ерекше жылылыққа бөлейді. Осындай ғажайып күй кешіп тұрып, сен өзіңнің жақындарыңды іздейсің, сенің ата-анаң, туыстарың, достарың, сенің оларға жылы сөз айтқың келеді, ол сөздер сенің жүрегіңнен нұрлана шығып, аузыңнан гүл болып төгілгендей. Іштей махаббатқа толы жылы да сыпайы сөздерді қайталаймыз. «Мен нұрлы жүректі адаммын, сондықтан да тек қана жылы сөздер айта алуым керек, бұл маған бақыт сыйлайды» деп. Осындай жайлы күйде отыра тұрыңыз, өзіңізді әлемдегі ең бақытты, сыйлы адам ретінде сезініңіз.
Жаймен көзіңізді ашуға болады. Рақмет.
Баяу музыка
2 минут
Сыртқы интеграция І.Үй тапсырмасын сұрау.
Ақпараттық модель тарауы бойынша 5 сұрақтан тұратын тест тапсырмаларын ұсынады.
Тест нәтижесі бойынша сапа мониторингіне талдау жасалады.
Оқушыларға қосымша сұрақтар қойылады:
Модель жасауда ең басты қасиет не болып табылады?
Неге модельдің «нақтылық» немесе «сәйкестік» қасиеті басты болып тұр?
Оқушылар жауаптарында бір нысанның моделін, яғни үлгісін жасауда басты қасиет нақтылық қасиеті екендігін, себебі модельдің құндылығы оның нақтылығына, сәйкестігіне тәуелді деп жауап берулері керек.
Жаңа модельдер, көлік жасауда, үй нысандарын жасауда, бір сөзбен айтқанда адам өмірімен байланысты кез келген нысандардың моделін жасауда адамдарға қандай қасиеттер қажет деп ойлайсыңдар? Неге?
Осындай сұрақтарға беру арқылы «дұрыс әрекет» құндылығының мәнін ашу. «Кез келген істе дұрыс іс-әрекет қана сапалы, құнды нысандардың пайда болуына әсерін тигізеді» деген қорытындыға келеді, яғни модельдер дұрыс құрастырылмаса, сапасы да, құны да болмайды.
ІІ. Оқушылар топқа бөлінеді. Әр топқа семантикалық карталар таратылады.
