Қазақстан Республикасының бітімгерлік қызметі 2015жылы 15 маусымдағы №320 заны бойынша реттеледі. Қазақстан Республикасының бітімгершілік қызмет саласындағы заңнамасы Қазақстан Республикасының Конституциясына негізделеді . Қазақстан 1992жылы 2 наурызда Қазақстанда Біріккен ұлттар ұйымына мүше болды. Қазақстанның жалпы мемлекет ретіндегі бітімгерлік саясаты бұл бейбітшілікті сақтау, соғыстарға жол бермеу, болып табылады. Өзінің бітімгерлік саясатында еліміз халықаралық деңгейдегі дау-жанжалдардың, шиеленістердің, қарулы қайшылықтардың дұрыс шешілуіне өз үлесін қосып әлемдік қоғамдастықта өз орнын айшықтап алды.
БҰҰ мүшесі ретінде Қазақстан терроризммен күресте өзіне бірқатар міндет алды және БҰҰ Қауіпсіздік Кеңесінің контртерроризм комитетімен тығыз қарым-қатынасты жолға қойды. 2003 жылдың мамыр айында БҰҰ Қауіпсіздік Кеңесі Ирак халқына елді қалпына келтіруге көмек беру туралы қарар қабылдады. Қазақстанның бітімгершілік миссиясы 2003 жылдың тамызында басталды. Қазақстандық офицерлер мен солдаттар бес жыл бойы Ирак аумағын минадан тазартумен, жергілікті курсанттарды саперлік жұмысқа үйретумен айналысты, тұрғындарға медициналық жәрдем көрсетті. Осындай операцияға қатысу Қазақстан Қарулы Күштерін де жинақтап, бітімгершілік пен гуманитарлық көмек көрсетуде тәжірибе жинақтауға, әскери бөлімшелердің жауынгерлік қабілетін тексеруге зор мүмкіндік береді және еліміз үшін маңызды болып табылады.
