174
ӘЙЕЛГЕ ТЕҢДІК ҚАЙДА?
Былтырғы өткен обласной сиезде жалпы қазақ сиезінде «Бостандық әйел мен еркекке
бірдей» делініп еді. Онан кейін «Сарыарқада» әйелге теңдік: кімге барса да ерік өзінде деп
жазылып еді.
Бұл қаулы,
бұл сөздер текке айтылған ба, жоқ орнына келетін күн бар ма?
Біздің бір жақын қарындасымызды Қызылағаш елінің қазағы Балқыбай Иса баласы
зорлықпен байлап-матап ұстап отыр.
Екінші — жақын ағайынымыз Әли қажының 2 қыз, бір ұлы бар
жесір қатынын бәйбішенің
балалары түк мал бермей іргеден қуып шығып, байғұс қатын басын құрттап, төркінінің
қолында қорғалап отыр.
Үшінші — өзімізбен немерелес Пәтима Нұрке қатыны байы өліп, үш жылдай жесір
отырушы еді. Енді әмеңгерлер «маған тимесең сені сатып аламыз, пәлен уақытта саған
мал төлегеміз» деп ара түскен менің бір өгізімді барымта алып отыр.
Жақсыбай абыз айтқандайын: «Айналайын, шариғат-ау, атың бар, өзің жоқ» деп,
айналайын бостандық-ау, қайда жасырыным, бұғып кеттің? Халқым-ау, бұл сұмдықтың
қашан тамыры құриды? Не айтасыңдар?
Достарыңызбен бөлісу: 
