Мутациялық жүк – мутациялық процесстің қосымша өнімі. Бұл процесс тұрақтандырушы сұрыпталумен жойылуы тиіс зиянды мутациялардың пайда болуына әкеледі.
Сегрегациялық жүк гетерозиготтардың бвсымдылығы байқалатын популяцияларда кездеседі. Бұл жағдайда популяцияның орташа бейімділігін төмендететін әр ұрпақ сайын бейімділігі төмен гомизиготтар жойылады.
«Өз орнында емес" даралармен байланысты жүк тіршілік ортасы біртекті емес полиморфты популяцияларда кездеседі, мұнда кейбір даралар өзінің арнай нишасы (орнынан) шығып қалады. Бұл жағдайда тұрақтандырушы сұрыптаудың әсеріне ұшырайды .
Бағытталған сұрыптау субституциялық жүкті тудырады. Ескі аллельдің жаңа аллельмен ауысуы ескі аллельді дараларды генетикалық өлімге ұшыратады.
Гендер ағымы
Жаңа гендер популяция генофондына басқа популяциялардан иммигранттар алып келген гаметалар түрінде қосылып отырады. Бұл жаңа гендердің қосылу процессі гендер ағымы деп аталады.
ҚОРЫТЫНДЫ:
Табиғатта кез келген жануар, немесе ұсақ ағза түрлерінің даралары өз ареалының көлеміндегі аймақты толық иемденбей, тек тіршілігіне қолайлы белгілі үлескілерді ғана мекендейді. Мысалы, бір түрге жататын бунақденелілердің ағаш жапырақтарымен қоректенетін даралары орман алкаптарында ғана, ал шөптекті өсімдіктермен қоректенетін даралары шалғындық үлескілерде мекендейді. Сол себепті түрдің даралары өз аймағының көлемінде түрлі тіршілік жағдайларына байланысты жиілігі әр түрлі топтар құрып бытырап кетеді. Олай болса, мұндай жекеленген табиги топтар популяцияларды түзеді.
