Ашық тәрбие сағаттың сценарийі. Мұқағали Мақатаевқа арналған әдеби сазды кеш «Дариға жүрек»

Мұқағали Мақатаевқа арналған әдеби сазды кеш «Дариға жүрек»

Кештің мақсаты:М.Мақатаевтың өмірі мен шығармашылығына шолу жасау,әндері мен поэмаларынмен таныстыру.М.Мақатаевтың өлеңдері мен музыкасымен оқушыларды,имандылыққа елжандылыққа,парасаттылыққа тәрбиелеу. Ақынның сөзіне жазылған әндері көпшілік назарына ұсыну.

Кештің көрнекілігі:М.Мақатаевтың портреті,реферат,бүктемелер,шарлар,сазды музыка,слайд,ақынның өз дауысымен оқылған өлеңдері.

Кеш «Махаббат монологі» көрінісімен ашылады.

1-жүргізуші: Ассаламағалейкүм,Алаш жұрты

2-жүргізуші: Армысыздар , қадірлі ұстаздар мен оқушылар!Жыл керуені алға жылжыған сайын М.Мақатаевтің артына қалдырған өшпес мұрасы,жарық жұлдыздың қараңғы түн қойнауынан құпия сәулесін шашқандай жарық өркендей өсіп,айшықтала түсуде. Мұқағалидай перзенті бар халық-шынымен бақытты халық.

1-жүргізуші:»Барлығы да,поэзия,сен үшін,»-деп әдебиет патшалығының ғажайып ханзадасы һәм бірегей сардары.Мұқағалидің құдіретті өлеңдері халқының жүрегінде.Ақын өлеңдерін оқыған сайын ақиқат бейнелі рух,сезім мен сананың бірлігі көңілге ұялайды.

2-жүргізуші: Қымбатты ұстаздар,қонақтар, оқушылар!Ақиық ақынның шығармашылығына арналған»Дариға жүрек»атты әдеби-сазды кешімізді бастаймыз.

1-жүргізуші:М.Мақатаев аламан бәйгеге оза шауып,өлең-жырда шамасына шаң жұқтырмаған ерен жүйрік,талантты тұлға.Ақынның өмір жолы әр алуан.Олай болса,қыран тағдырлы ақын Мұқағали ағаның өмір жолынан деректерге назар аударайық(интерактивті тақтадан Мұқағали Мақатаев туралы бейнеролик жүргізіледі)

2-жүргізуші:Оқығанша жырыңды тағат таппай,

Ауға түскен ақбауыр шабақтарды!

Сенің жырың бәріне серік болып,

Ішіндегі зар-мұңын шын ақтарды-ай!-дей келе келесі кезекті өлеңдеріне берейік

1.Ақерке»Арыз жазып кетейін»

2.Ернұр»Фарида,қыз»

3.Лаура»Қазақстан!

4.Ерасыл»Ақ қайың»

5.Фарида»Муза»

6.Бақытжан»Қарасөз»

1.Индира»Поэзия»

1-жүргізуші: Ақ ұлпа жерді жапқанда,

Ағаштар сырға таққанда.

Бозарып атқан ақ таңда,

Бозарып тұрып ақпанда

Есіңе мені алғайсың,-деп толғанады ақын.Ендеше кезекті әнге берейік.Ақерке»Бақыт деген»

2-жүргізуші:М.Мақатаев қазақ радиосының»алтын қорында сақталып қалған өз дауысы.Олай болса,сол дауысқа бәріміз бірге құлақ түрейлік(Мұқағалидің дауысымен өз өлеңдері оқылады) «Пай-пай өмір!»

1-жүргізуші:

Өлең барда шырқатып мен жазамын,

Ұрпағымын мен мына кең даламның.

Мұқағали секілді бәйтеректі

Алып кеткен ажалға таң қаламын.

Сахналық көрініс:»Райымбек,Райымбек поэмасынан» үзінді,көрініс көрсетеді.

Түзу-түзу жыртылған аңыздайын

Аңызыма неге нәр тамызбаймын.

Қара өлеңі қазақтың қаза болса,

Қара көзден неге қан тамызбаймын,-деп өзі жырлағандай,кезекті ақын өлеңдеріне берейік.

1.Мұқтархан »Ғашықпын»

2.Гүлбану »Үнсіздік»

3.Сымбат «Үш бақытым»

4.Нұргелді «Аңса,жаным»

5.Ерасыл «Жылдарым менің жылдарым»

6.Гауһар «Жетімдер»

7.Жансая «Арулар»

Айтылар естеліктер мен туралы,

Біреулер жан еді дер өр тұлғалы

Біреулер тұлпар еді деуі мүмкін

Бүтінделмей кеткен бір ер тұрманы

Иә,ақын туралы естеліктер де жазылып,

Лебіздер айтылуда.»Менің анкетам»(көрініс)

2-жүргізуші:Туған жерге,елге,халқына,досына,отанына,әкесіне,ана тіліне деген махаббат сезімі ақын ретінде оның басты тақырыбы еді.Ендеше әнге кезек берейік.Ән.»Жазира» Лаура,Фариза,Аружан

1-жүргізуші: «Сұңқардай едім жердегі,

Аққудай едім көлдегі»,

Дариға-жүрек шөлдеді!

Дариға-жүрек шөлдеді!

Сапардан жары келмеді......

Дей келе келесі кезекті «Аққу»биіне кезек берейік(Аружан)

Бір сәнтім де артық зат берме маған

Арланбаймын,жоғымды елден алам

Бұл өмірге жалаңаш келген Адам

Көрген адам,көбісін жеңген Адам

Үйіп-төгіп бақытты берме маған –деп жырлағандай ақын мұрасы,маржан поэзиясы-мәңгілік болашақ ұрпақтың еншісі,қастерлеп,қадірлейтін қазынасы.

Сырымда-осы,

Жырымда-осы.

Алдыңда

Бықсыдым ба, жандым ба

.....Махаңдар жоқ.

Мұқағали Мақатаев бар мұнда!

1-жүргізуші:Ақиық ақын М.Мақатаевқа арналған»Дариға жүрек» атты әдеби-сазды кешіміз аяқталды.