берілген сапа көрсеткіштері деңгейінде ұстап тұру;
басқарылатын нысандар мен сыртқы ортаның әрекеттестігі.
Өнім сапасын басқару жүйесі дегеніміз өнім сапасының жоғары деңгейін белгілеуге, қамтамасыз етуге және ұстап тұруға бағытталған басқару органдарының және басқару нысандарының, шаралардың, әдістер мен құралдардың жиынтығы.
1987ж. Стандарттау жөніндегі халықаралық ұйым АҚШ, Канаданың, ФРГ қатысуымен 9000 сериялы (сапа жүйелері бойынша) бес халықаралық стандартты әзірлеп, бекітті. Оларда өнім сапасын қамтамасыз ету жүйелеріне, соның ішінде өнімді әзірлеуге, жасауға, бақылауды ұйымдастыруға және өнімді сынауға, оны пайдалануға, сақтауға, тасымалдауға қойылатын талаптар белгіленген. Сапа жүйелері бойынша ИСО 9000 халықаралық стандарттарына 5 атау енгізілген:
1. ИСО 9000 “Сапаға жалпы басшылық және сапаны қамтамасыз ету стандарттары. Таңдауға және қолдануға қатысты жетекші нұсқаулар”.
2. ИСО 9001 “Сапа жүйесі.Жобалау, және (немесе) әзірлеу, өндіру, монтаждау және қызмет көрсету барысында сапаны қамтамасыз ету моделі”.
3. ИСО 9002 “Сапа жүйесі. Өндіру және монтаждау барысында сапаны қамтамасыз ету моделі”.
4. ИСО 9003 “Сапа жүйесі. Соңғы бақылау және сынақтар барысында сапаны қамтамасыз ету моделі”.
5. ИСО 9004 “Сапаға жалпы басшылық және сапа жүйелерінің элементтері.Жетекші нұсқаулар”.
Өнім сапасын басқару жүйесі :
9001 – өнімді бақылау және сынау жүйесіне, сенімділігін сертификаттауға қойылатын талаптарды
9002 – өндірісті ұйымдастыру жүйесіне қойылатын талаптарды.
9003 – жобалаудан пайдалануға дейін сапаны басқару жүйесіне қойылатын талаптарды қанағаттандыруы тиіс.
