Дипломдық жоба тақырыбының өзектілігі

Бір сабақта қос тақырыпты өту де оқушыларға жүктеме түсіреді. Білім беру процесін ұйымдастыру үшін басқа да талаптар бар. Сабақ ұзақтығы 40 минуттан аспауы тиіс және бұл барлық мектептерде жүргізіледі.

Сабақтардың арасындағы сабақ аяқталғанға дейін демалыс үшін үзіліс–қоңырау беріледі. Шағын үзілістер 10 минуттан кем емес болуы тиіс, үлкені 1 рет 30 минуттан немесе 2 рет 20 минуттан болуы тиіс. Зерттеу бойынша, № 28 жалпы білім беру орта мектебінің шағын үзілістері–5 минут, үлкені 2 сабақтан кейін–15 минут, 4 сабақтан кейін–15 минут (қосымша 3). Қорытынды, қоңырау кестесі нормативке сәйкес келмейді. Бұл қорытынды 6,7,8,9 сыныптардың сабақ кестесімен салыстыра отырып талданды.

Балалар денсаулығына тек бұлар ғана зиян келтірмейді, тағы да сыныптағы жарықтың қолайсыздығына оқушылардың көру мүшесінің төмендеуі өте көп кездеседі. Зерттеген мектептің де осы себебтерінен көз аурулары, оның ішінде миопия кең тараған. Денсаулыққа зиян келтіретін тағы бір фактор мектеп жиһаздарының, яғни отыратын парталарының ережеге сай кұрастырылмауы. Осы жағынан сараптау нәтижесінде парталарының ережеге сай кұрастырылмауы–орташа деңгейде. Себебі, жасөспірімдерде бастапқы медициналық құжаттар арқылы сколиоз, мүсін бұзылысы аурулары жоғары екені анықталды.

Осы жылға дейінгі көптеген зерттеулер алғаш бірінші сыныпқа келген оқушылардың 20%-ның денсаулықтарында ауытқулар болады, ал бітіруші сыныптағылардың 80% жақсы деп айта алмаймыз, енді осы ауруларға жол бермеу және денсаулыұты сақтау үшін мыналарды ұсынамыз:

-оқушыларды бойларына сәйкес, қолайлы парталармен қамтамасыз ету;

-нормативке сай өте тиімді жабдықталған білім беру сыныптарына көшуді қарастыру;

-санитарлық нормаларына сәйкес жасанды жарық деңгейін келтіру;

-оқу–тәрбие үрдісінің ұйымдастырылуын гигиеналық нормаларды сақтаумен қамтамасыз ету;

-мектептегі білім жүйесін оқу–әдіснемелік жүктеме нормаларына сәйкестендіру.

Жасөспірімдердің денсаулық жағдайын зерттеу материалдарын қамтиды: медициналық тексеруге байланысты сырқаттанушылықты талдау; дене дамуы. Ақтау қаласы «Мектепке дейінгі шағын орталығы мен гимназия сыныптары бар №28 жалпы білім беру орта мектебінің» 6-9 сынып оқушылары медициналық сараптама талдау нәтижесінен 158 жасөспірімнің басым көпшілігінің дені сау екені анықталды (64,75%). Алайда, талдау қорытындысы 86 жасөспірімнен ауру белгілері анықталды (35,2%) (қосымша 4).