2.Негізгі бөлім: Тобылғы туралы не білеміз? Тобылғы-раушангүл тұқымдасына жататын көп жылдық бұта.Қазақстандағы далалы,таулы жерлерде өсетін 10 түрі бар.Ол 1,5 биіктікке дейін жететін өсімдік. Тобылғының ұсақ бұтасы бір-бірімен шатыса өседі және қабығының қызғылт түсімен ерекшеленеді.Жапырақтары майда,ұшы дөңгеленген,яғни пішіні шайқұрайға ұқсайды. Сол себепті оны көп адамдар «шайқурай тобылғы» деп те атап кеткен.
Тобылғы өсімдігінің тіршілік ету ортасы және көбею жолдары Таулы –жоталы аймақтардың біразынан тобылғы түрлерін кездестіруге болады.Осынау өсімдік кішкентай өзендер мен бұлақтардың жағасында да,сондай-ақ батпақты жерлер де өседі.Сабағы түзу,жапырағы қауырсын тәрізденіп тілімделген,жиектері ара түсті иректелген немесе бүтін болады.Гүлі қос жынысты,аталығының саны 10,аналығы- 5,ақтүсті хошиісті.Гүлдері қалқанша,шатырша ,сыпыртқы гүл шоғына топталған. Мамыр-шілде айларында гүлдеп,тамызда жеміс салады.Жемісі-қабаттасқан жапырақша.
Ал,кейде шілік құсап өседі.Гүлдері ұсақ,ақ түсті,әрі гүл шоғырындағы қысқа гүл табанына орналасқан. Сәуір-мамыр айларында гүлдеп,жәндіктердің және бұнақденелілердің көмегімен тозаңданады. Жемісі маусым-шілде айларында пісіп жетіледі.
