6.3. “Ертегі терапиясы” 1-жаттығу: Мақсаты:Өзін-өзі тәрбиелеуъді күшейту, өз ерік күшімен күрес. Оқушылар орындықта аяқтарын созып, отырады. 10-ға дейін санағанда балалар қимылдамай қатып қалуға тиіс. Содан кейін жайлап барып балалардың табандарынан қытықтаймыз. Балалар қатып қалған күйін сақтауы керек. Басқа қатардағы оқушылармен салыстырмалы түрде жарысады. Қай қатар өз-өздерін ұстай біледі екен. Күліп немесе қимылдаған оқушы қайта ойынды жүргізетін болады. 2-Жаттығу Мақсаты: Өзін-өзі ұстай білуге үйрету. Қалам ұшымен белгілі әріпті ауада көрсетеміз. Сол әріпті анықтаған оқушылар шуламай, шапалақ ұрып жай сыбырлап айтуы, немесе белгілі бір жануарлардың дыбысын шығарады. Қатты дыбыс шығарған адам ойыннан шығады. Қайта ойнағанда оқушылардан біреуі жүргізуші болады. 7. Тәрбиесі қиын оқушыларға арналған лекция. “Абайдың қара сөздері” Мақсаты: “Абайдың қара сөздерін” тәрбиесі қиын балаларға музыка арқылы тыңдатып сана сезіміне әсер ету. Абайдың 5-ші қара сөзі: .......Қазақ тыныштық үшін, ғылым үшін, білім үшін, әділет үшін қам жемейді екен, бірақ мал үшін қам жейді екен, ол малды қалайша табуды білмейді екен, бар білгені малдыларды алдап, мақтап алмақ екен, бермесе оныменен жауласпақ екен, егер малды болса, әкесін жаулауды да ұят көрмейді екен. Әйтеуір ұрлық, қулық-сұмдық, тіленшілік, соған ұқсаған қылықтың қайсысын болса да қылып жүріп, мал тапса, жазалы демесек керек екен.....
