Жұмыстың және жұмысшы мамандардың бірыңғай тарифтік-біліктілік анықтамалығы

§ 36. ЭМАЛЬДАУШЫ

4-разряд

Жұмыс сипаттамасы. Ірі көлемді және күрделі пішінді бұйымдарға астарлы, жабын және сәндік эмальдерді батырып алу, үстінен құю және бүріккішпен бүрку әдістерімен жағу. Астарлық эмальды шойын бұйымдарға жағу. Астарды күйдіргеннен кейін ұнтақ эмальды қол електермен, электр және пневматикалық дірілдеткіштермен қыздырылған бұйымдарға жағу. Жабдықты ағымдағы жөндеуге қатысу. Жабдықтарды баптау.

Білуге тиіс: қызмет көрсетілетін жабдықтардың кинематикалық схемалары мен баптау тәсілдері; эмальдердің түрлері мен түстері; күрделі пішінді әртүрлі бұйымдарға арналған шыланқұрам ұнтағының консистенциясы, тығыздығы мен майдалылығы; қоспалардың қаптама сапасына тигізетін әсері; эмальдерді флюстеу және металдар мен балқымаларды балқыту температурасы; бұйымдарға ұнтақ эмаль жағу тәсілдері.

Жұмыс үлгілері

Астарлық эмальды жағу:

1. Шойын астаулар.

2. Шойын жуғыштар.

3. Шойын түптер.

4. Шойын раковиналар.

5. Шойын қол жуғыштар.

6. Шойын унитаздар.

7. Шойын клозет ыдыстары.

Астарлық және жабын эмальды жағу:

1. Ауыз суға арналған бөшкелер.

2. Бидондар.

3. Құмыра (сауыт).

4. Болат астаулар.

5. Шелектер.

6. Су жылытқыш колонкалар мен олардың құбырлары.

7. Кофе қайнатқыштар.

8. Ыдыстың қақпақтары.

9. Құмыралар.

10. Сүт пісіруге арналған ыдыс.

11. Медициналық ыдыс.

12. Болат раковиналар.

13. Көмір рештактар.

14. Болат қол жуғыштар.

15. Болат унитаздар.

16. Шайнектер.

17. Үй тоңазытқыштарына арналған сөрелер мен ыдыстар

§ 37. ЭМАЛЬДАУШЫ

5-разряд

Жұмыс сипаттамасы. Ұнтақ астар және жабын қышқылға төзімді эмальды қол електермен, электр және пневматикалық дірілдеткіштермен бұйымдарға жағу. Бұйымдарды сұйық эмальмен әртүрлі әдістермен қаптау.

Білуге тиіс: қышқылға төзімді эмальдау процессі және режимі; астар және жабын қышқылға төзімді эмальдың қасиеттері мен сорттары; бұйымдарды қышқылға төзімді эмальмен қаптау тәсілдері.

Жұмыс үлгілері

Астарлық және жабын эмальды жағу:

1. Қышқылға төзімді эмалі бар аппаратура.

2. Қысыммен жұмыс істейтін аппаратура.

3. Друк – сүзгілердің түбі.

4. Болат және шойын қазандықтар.

5. Друк – сүзгілердің қақпақтары.