Смета - бұл жобаны орындау үшін қажет жұмыс құны мен шығындарды сипаттайтын құжат. Онда қажетті материалдардың, жабдықтардың, қызметтердің саны мен құны, сондай-ақ мамандардың жалақысы көрсетілуі керек. Смета әдетте жұмыстың әртүрлі кезеңдерін және олардың орындалу уақытын бағалауды көрсетеді. Бұл жобаның маңызды бөлігі, өйткені ол жобаның жалпы құнын анықтауға, бюджетті жоспарлауға және шығындарды бақылауға мүмкіндік береді. Жобада жұмыс істеу барысында түсініспеушіліктер мен қақтығыстарды болдырмау үшін сметадағы барлық деректер мүмкіндігінше дәл және ашық болуы керек.[6]
Жобаның ұйымдастырылуы туралы анализ жасау барысында ең керекті, ең қажет деген шығармалар мен техникаларды таңдап, артық шығын жұмсаудың алдын алынды. Ең бірінші қаражат жобаға қажетті шығармалар мен туындылардың шығарылуына жұмсалды. Олар Әсем Құлманова мен Дина Райхан сынды заманауи ақындардың көмегімен жарық көрген поэзиялар. Сондай-ақ, Ерназаров Расул және Долькей Үміт сынды жас, ізденімпаз сазгерлердің шығарған әндері. Келесі этапта декорациялар мен костюмдерге және көрермен залын безендіруге бірқатар қаражат жұмсалды. Қойылымға ерекше көрініс пен мін беру үшін қажетті заманауи техникалар да қажет болды. Бұл қаражат бұдан көп болуы мүмкін еді. Өнерге шын ғашық және жанашыр жандардың арқасында қаражат барынша үнемделді. Бұл қаражат менің өнеріме, болашағыма сенетін адамдардан, ата-анамнан және өз қалтамнан алынды. Жобаның ресурстық қамтамасыз ету шығындары төмендегі (кесте 3) көрсетілген
