Кәдімгі құстар отряд үстінің негізгі отрядтары: Гагартектестер отрядының бір тұқымдасының 5 түрі белгілі. Олардың бәрі де су құстары, жақсы жүзеді әрі сүңгиді. Аяқтары денесінің артқы жағында орналасқан. Алдыңғы үш саусағының арасы жүзу жарғағымен байланысқан, балықтармен қоректенеді. Кең таралған түрі –
қара жемсаулы гагара. Сұқсыртектестер отрядына 20 түрлі құстар жатады. Олардың 4 саусақтарының жиегінде жеке-жеке жалпақ терілі өскіндері болады. Суда тіршілік етіп су жәндіктерімен, ұлулармен, ұсақ балықтармен қоректенеді. Жер шарында кенінен таралған. Кеңінен таралған түрі – үлкен сұқсыр
(чомга) үйрек. Түтіктанаулылар отрядына мұхиттарда, теңіздерде тіршілік ететін 100-ден астам құстардың түрлері жатады. Танау тесіктері үстінгі тұмсықтың екі бүйірінде түтік тәрізді орналасқан. Алдыңғы үш саусақтары терілі жарғақпен байланысқан, өте жақсы ұшады, қанаттары сүйір әрі ұзын. Кең тараған түрі – кезеген дауылпаз.
