3. Болашақ мұғалімнің өзін-өзі дамыту бойынша тәсілдерінің бірі – педагогикалық рефлексия. Рефлексия (лат. тілінен аударғанда – «артқа қарау») – адамның өзінің ішкі психикалық акттары мен жай-күйін тану процесі. Сонымен қатар бұл- оның тұлғалық және когнитивтік ерекшеліктерін, эмоциялық реакцияларына қалай қарайтындығын, оны басқа адамдардың қалай қабылдайтындығы мен бағалайтындығын да анықтау болып табылады. Педагогикалық рефлексияның ең жоғарғы деңгейі – тұлғаның өзінің мамандықта алатын орны туралы толғануы.
Рефлексия барысында жауап беруі қажет үлгі - сұрақтардың бірқатарын келтірейік:
өз жұмысым туралы ойым қандай?
балалар туралы ойым қандай? оларды қалай қабылдаймын?
менің ерекшеліктерім (тұлғалық, эмоциялық, когнитивтік) қандай және олар жұмыста қалай көрініс табады?
кәсібім бойынша өзімді қалай сипаттаймын?
Өзі-өзі реттеу дағдыларын қалыптастыру және пайдалану-педагогтың – өзін-өзі дамытуының басты факторларының бірі. Өз эмоциялық және психологиялық күйін басқару қабілеті - кәсіби педагогикалық техниканың компоненттерінің бірі.