| КОН-тың спирттік ерітіндісі. ΝаОН-тың және КОН-тың метанолдағы ерігіштігі этанолдағы ерігіштіктен жоғары. Бірақ, метанолдың өте улы және өрт қауіпті болу себебіне байланысты, әдетте ΝаОН-тың және КОН-тың этанолдық ерітінділерімен пайдаланылады. 28 оС-дегі этанолдағы ΝаОН-тың және КОН-тың ерігіштігі сәйкесінше 14,7 % және 27,9 %.
КОН-тың ерітіндісін әзірлеу үшін алдын-ала альдегидтерден тазартылған ректификациялық этанол қолданылады.
Этанолды тазалаудың анағұрлым тиімді әдісі: 5 мл дистилденген судағы 2 г АgΝО3-тің ерітіндісін қашалған тығыны бар ыдыстағы көлемі 1200 мл этанолға қосады және мұқият араластырады. Өз алдына бөлек 5 г КОН-ты 25 мл ыстық этанолда ерітіп, суытып, АgΝО3-тің спирттік ерітіндісіне құяды. Аg2О тұнбаға түсіп, сүзілген соң спиртті қайнатып айдап алады. Осы әдіспен тазалаудан өткен этанол бірнеше жыл бойы түссіз болып сақталады.
Сақтау барысында КОН-тың спирттік ерітіндісі әлсіз-сарғыш түске өзгереді. Оның басты себебі ерітіндінің құрамындағы қоспалар шайырланады. Ұзақ уақыт сақтағанда сарғыштанбайтын КОН-тың ертінділерін дайындау үшін спиртті алдын-ала алюминийдің бутилатымен өңдейді (1 л спиртке 5 г). Қоспаны 3-4 аптаға бөлме температурасында қалдырып, соңынан спиртті декантациялайды және онда КОН-ты ерітеді.
Достарыңызбен бөлісу: |
