Жұмысты аяқтаған соң келесі ережені орындаған жөн.
1.Ыдыстың ішіндегі қалдықтарды тазалайды.
2.Жұмысты орындаушы үсті басын ластамас үшін көзіне көзілдірік, қолына қолғап, сырт киімінің үстіне халат және фартук киеді.
3.Тазалау жұмысы ауа тартқыш сөренің астында жүргізіледі. Мүмкіндігінше органикалық еріткіштерді үнемдеу керек.
Жабдықтармен қамтамасыздалған лабораториялық арнайы бөлмелерде келесі заттар мен құралдар болуы керек: ерш, мақта оралған шыбық; қайнатуға арналған тастар (немесе оларды қайнатқыштар деп атайды); жуылуға арналған ыдыстарды орналастыратын стол; органикалық ластаушы заттарды жуғанда ауа тартқыш сөре; ыстық және салқын су құбыры; фаянстан немесе эмальмен сырланған астау; ыдыстың ішіндегі суын сорғытатын торша немесе ілгіштер (24-суретте).
24- сурет. Ыдыстарды жууға арналған жабдықтар. Жуу бөлмесінде белгіленген мөлшерде эфир, бензин, спирт, изо-пропил спирті, синтетикалық жуғыш қоспалар, хром қоспасы, концентрлі қышқылдар ж.с.с. болуы керек.
