Ұлытау ауданы әкімдігінің Ұлытау ауданының білім бөлімінің «Жамбыл Жабаев атындағы №15 Қарсақбай жобб мектебі базасындағы Тірек мектебі (ресурстық орталық)» коммуналдық мемлекеттік мекемесі

5 қазан және 10 қазан аралығында күзгі сессия кезеңі қашықтықтан өткізілді. Сессияның мақсаты: Алынған терең білімді еркін бағдарлай білуге, өз мүмкіндіктерін іске асыруға, өзін-өзі дамытуға және адамгершілік тұрғысынан жауапты шешімдер қабылдауға қабілетті, елі мен жеріне деген патриоттық сезімі дамыған тұлғаны қалыптастыру. Ал басты міндеттер: Оқушылардың белсенділігі мен танымдық іс-әрекеттері арқылы оқушылар шығармашылығын дамыту. Азаматтыққа, адамның құқықтары мен бостандықтарына, өз елінің тілі мен мәдениетіне құрметпен қарауға тәрбиелеу. Қолданбалы және таңдау курстарын жүргізуде оқу-тәрбие процестерінің жаңа түрдегі әдіс-тәсілдерін ұсыну. Жобалаушылық әрекет негізінде зерттеушілік, шығармашылық іс-әрекетпен шұғылдану қабілеттерін дамытуға жағдай жасау. Сессия бағдарлы оқытуды жүзеге асыру барысында 7-сынып оқушыларымен жүргізілді. Жалпы оқушы саны-35. Күзгі сессия жоспары құрылып сол жоспар негізінде жұмыстар атқарылды. Сессияның бірінші күнінде кешенді тест жұмыстары алынды. Қарсақбай мектебі орташа балл бойынша 34,9 , Қоскөл мектебі 44,6 , Байқоңыр мектебі 42,4 , Ақтас мектебі 35,5 , Пионер мектебі 39,4 көрсеткіш көрсетті. Тапсырмалар орындау барысында Қарсақбай мектебі 85 , Қоскөл мектебі 55 , Байқоңыр мектебі 70 , Ақтас мектебі 60 , Пионер мектебі 30 сапа көрсеткіші анықталды. Оқушылардың таңдауы бойынша проблемалық 3 пән анықталды. Олар география, алгебра, биология пәндері. Проблемалық пән мұғалімдері сессия кезеңіне шығарылған сағат санына сабақтар әзірлемесін дайындап , сол әзірлеме бойынша сабақтар өткізді. Тәрбие бағыты бойынша «Дұрыс тамақтану-денсаулық кепілі» атты тәрбие сағаты жүйелі өткізілді. 7-сынып оқушыларының арасында «Спорт-денсаулық кепілі» атты спорттық жарыс ұйымдастырылып , жеңіске жеткен оқушылар ынталандыру сыйлықтары мен мақтау қағаздарымен марапатталды. Психологиялық – педагогикалық жұмыстар да сессиядан тыс қалған жоқ. Мектеп психологінің ұйымдастыруымен «Өмір сен маған қымбатсың» тақырыбында тренинг сабағы жоғары дәрежеде өтті. Оқушылардан «Кот» тесті алынып, ол жұмыстарға анализ жасалды. Осылайша күзгі сессия өз жұмысын нәтижелі аяқтады.