2017-2018 оқу жылының «Сыңғырла, соңғы қоңырау!» салтанатты жиынынының әзірлемесі Өтетін күні: 25 мамыр 2018 жыл Өтетін уақыты: сағат 10.00 Өтетін орны: мектеп алаңы Безендіру: жиын өтетін алаң шарлармен, жалаушалармен, безендірілген. 1жүргізуші:Армысыздар, құрметті ұстаздар мен оқушылар!
2жүргізуші: Қайырлы күн, қадірлі ата-аналар мен қонақтар!
1жүргізуші: Өзіңменен өлшеусіз нарқым менің,
Асқар тау, арқа тұтар алтын белім.
Ұядан ұрпағыңды ұшырмаққа
Қош келдің, айналайын, халқым менің!
2жүргізуші: Кеше ғана тұлымдары желбіреп, жүректері лүпілдеп, мектеп қабырғасын имене аттаған ұл-қыздарымыз ойы толып, бойы өсіп, алтын ұя мектебімен қоштасқалы отыр.
1жүргізуші: Жас жүректің өмірлік құштары гүл,
Бағбан ұстаз баулыған құстары бұл.
Қоштасып бүгінгі күн ұясынан,
Сол құстардың бір тобы ұшқалы тұр, - деп алтын ұя мектебінің табалдырығынан үлкен өмірге ұшқалы отырған мектеп бітіруші түлектерімізді құрметтеп ортаға шақырамыз. Қарсы алыңыздар!
(Музыка әуенімен ортаға бітіруші түлектер шығады)
Алдарыңызда 11сынып оқушылары. Сынып жетекшісі Нина Сайм
2жүргізуші: Назар аударыңыздар! ҚР Мемлекеттік Туы енгізіледі!
Туды енгізу құрметі оқу екпінділері 10 сынып оқушылары- Ельтинов Мұхаммед, Салимов Рустам, Мусабай Бауыржан
