2.6. Кейіпкердің іс- әрекетін бағалау.
Біздің сынып
Осы сабақта қол жеткізілетін оқу мақсаттары
2.2.6.1 - кейіпкердің сыртқы келбетін сипаттау, мінез-құлқы мен іс-әрекетін бағалау
2.1.5.1 - өз ойы мен сезімін тірек сөздерді пайдалана отырып жеткізу
Сабақ мақсаттары
Барлық оқушылар: мәтінді түсініп оқиды, кейіпкерлерді сипаттауда тірек сөздерді қолданады;
Көптеген оқушылар: тақырыпты болжайды, кейіпкерлердің іс-әрекетіне қатысты ойын айтады және түсіндіреді;
Кейбір оқушылар:кейіпкерлердің іс- әрекетіне, мінезіне шығармадан дәлел келтіре отырып баға береді және тірек сөздер арқылы өз ойын еркін жеткізе алады;
Бағалау критерийлері
Мәтіндегі кейіпкерлердің іс- әрекеті туралы көзқарасын білдіреді;
Ширату тапсырмасы: (Ұ) «Он сұрақ» стратегиясы Мұғалім бір оқушыны таңдап алады және оның маңдайына негізгі сөз жазылған стикерді жапсырады – қатысушы сыныпқа 10 сұрақ қоя алады, оған жауап не ИӘ, не ЖОҚ деп беріледі.
«Парта» сөзі шығады. Көмек қажет жағдайда мұғалім өзі жетелеуші сұрақтар қояды.
Оқушылармен бірлесе бағалау критерийін құрастыру немесе таныстыру.
Сабақтың ортасы 25-30 минут
Мағынаны ажырату Ой қозғау 1-тапсырма Жұмбақтарды шешу:
1.Білім мен тәлім
Парақтап ашқанда,
Беттерінен мәлім.(күнделік)
2. Ілулі тұр кең алаң,
Керегемді мен одан
Жазып алам көшіріп,
Сүртем смосын өшіріп.(тақта)
3. Жұқа тақтай бөлшегі-
Ұзындықтың өлшемі. (сызғыш)
Тақырыпты болжау Бұл заттардан басқа айналамыздан не көріп тұрмыз? Олар қайда орналасқан? (бөлмеде, сыныпта). Бұлардың бәрі бәрімізге ортақ. Олай болса бұл...? (біздің сынып).
Мақсатқа сәйкес оқушылармен бірлесе отырып, жетістік критерийін анықтау.
Оқылым. 2- тапсырма Оқиық А. Сопыбековтың «Сапар мен парта»мысалын бөліп, мәнерлеп оқыту. Автор туралы әңгімеле., сызбаны пайдалан.
Мысал туралы қайталап түсінік бере кету.
Мысал дегеніміз- шағын көлемді, оқиғалы, адамға сабақ боларлық тәрбиелік, тағылымдық мәні бар шығарма.
Саралау: Барлық оқушыларға бағытталған нұсқау бере отырып, олардың əрқайсысының өздерінен не күтетіндігін түсінгендеріне көз жеткізу керек. Мұғалім тапсырма береді, бірақ жалғыз «дұрыс» жауаптың бағытында жұмыс істеуден гөрі оқушылар өздерінің мықты жəне əлсіз тұстарына қарай жауап береді.
Бағалау: «Бағдаршам» әдісі арқылы бағалау
Жұптық жұмыс. Сұра және жауап бер «Сұраққа жетіп ал әдісі»Өз бетінше ойлап, ақпаратты меңгере алады. Шығармаға байланысты сұрақ қояды.
• Бұл неге мысалға жатады?
• Өлеңнің мысалға жататынын неден аңғаруға болады?
• Парта Сапарға неге ренжіді?
• Қалай ойлайсың, Сапар өз кінәсін мойындады ма? Оны өлеңнің қай шумағынан аңғаруға болады?
• Мысалдан партаның ішкі сезімін білдіру үшін өздігінен сөйлеп кеткен жерін тауып оқы. Сенің өзіңмен-өзің сөйлескен кезің болды ма?
