Жасөспірімдер мен олардың ата –аналарының кеңес алуға келуіне себеп болатын кейбір мәселелер[2. б.219]:
Басқалармен қарым-қатынас орната алмағандықтан субъективті уайымдау: қарым-қатынасқа кедергі келтіретін ұялшақтық пен қорқыныш; құрдастары арасында сыйлы болуға деген қалау; біреуге өкпелеуден туған уайым; құрдастары арасында қорқытулар мен қысым жасау. Қазіргі кезде бұл қыздар арасында да ерекше көрініс табуда.
Отбасындағы қарым- қатынас: ата-аналар тарапынан түсініспеушіліктер; артынан аңду ұйымдастыру және қатаң шектеулер қою; жасөспірімдердің еркіндікке ұмтылуы; үйден қашу немесе кету; жасөспірімнің қатысуымен болатын отбасылық конфликтілер, отбасы мүшелері үшін алаңдаушылық.
«Қыздар мен ұлдар» мәселесі: сүйген адамын жоғалту немесе жоғалтып алам деп қорқу, қарсыластың болуы немесе қызғаныш, өзіне ұнайтын адамды өзіне қарату қалауы, танысу т.б.
Жыныстық қатынас және жүктілік: ерте жүкті болу, венерологиялық аурулардан қорқу, жыныстық сауатсыздық, адам анатомиясын білмеуі, т.б.
Мектеп: үлгермеушілік, мұғалім тарапынан болатын әділетсіздік пен қудалау, мектепке барудан бас тарту, өмірлік мақсат қою, мамандық таңдау.
Заңмен байланысты мәселелер: құқықтық ақпарат іздеу, заңнамалық мәселелер бойынша түрлі сұрақтар, т.б.
Медициналық және химиялық заттарды қолданумен байланысты мәселелер: медициналық ақпарат іздеу, дәрі-дәрмек қолданудан қорқу, наркотикалық тәуелділік, алкоголизм, химиялық заттармен улану т.б.
Көңіл көтеру және бос уақытты өткізу.
Жоғарыда айтылғандармен еш байланысы жоқ жеке мәселелер: өзін кінәлі сезіну, сағыныш, жалғыздық, өз сырт келбетіне көңілі толмау, өмірден мағына таппау, өзіне қол салу жөніндегі ойлар немесе іске аспай қалған суицид т.б.
Достарыңызбен бөлісу: |
