Ациклдық сесквитерпендер май қатарының 4 қос байланысы бар қанықпаған қосылыстар болып табылады. Олардың құрылысын ұзынынан – ұзақ немесе бекітілмеген бийикл түрінде бейнелеуге болады
Ациклдық сесквитерпендер май қатарының 4 қос байланысы бар қанықпаған қосылыстар болып табылады. Олардың құрылысын ұзынынан – ұзақ немесе бекітілмеген бийикл түрінде бейнелеуге болады.
Ациклдық сесквитерпендердің циклизациясы бес және алты мүшелі (акоран типі) сақиналар немесе бес және жеті мүшелі (гвайан типі) сақиналар түзу арқылы жүзеге асады.
Моноциклдық сесквитерпендердің циклизациясы бес және алты мүшелі (гвайан типі) сақиналар түзу арқылы жүзеге асады.
Терпеноидтар өсімдіктерде келесі қосылыстар түрінде кездеседі:
1. Эфир майларының құрамына монотерпендер мен сесквитерпедер кіреді.
2. Ащы заттардың құрамында сесквитерпендік лактондар болады.
3. Смолалар мен бальзамдарда дитерпендер болады.
4. Тритерпендік сапониндер мен олардың гликозидттері.
5. Ащы гликозидтер мен иридоидтар-монотерпендердің туындылары.
6. Каратиноидтар-тетратерпеноидтардың туындылары.
7. каучук және гутта-политерпендер.
Резинолдық және смолалық қышқылдар Олар детерпендердің карбоксилды туындылары. Мысалы: қылқан-жапырақтылардың смолаларындағы абиетин қышқылдары. Олар анық қышқыл сипатты және жақсы кристаллизацияланатын тұздар түзе алады. Смолалық қышқылдар смолаларда көбінесе еркін түрде болады.
Резинолдар немесе смолалық спирттердің құрамында бір немесе бәрнеше гидроксил топтары болады. Смолаларда еркін түрде болады, кейде эфир түрінде де кездеседі. Смолалардағы спирттер дитерпендік циклдық спирттер түрінде α – және β-амириндер, лупеолдар сияқты тритерпенді спирттер түрінде де болады. Смолалық спирттерге резитаниолдар мен таниолдар да жатады. Олардың резинолдардан айырмашылығы иілік заттардың қасиеттеріне ие болып, темір хлоридімен боялу реакцияларын береді. Бұл спирттер сары және қызыл түске қанық боялған, жағымды иісі бар заттар. Смолалар суда ерімейді, эфирде, ацетонда, бензолда, хлороформда, дихлорэтанда жақсы ериді. Жанғанда ысты жалынмен жанады.
