(МК.Ұ.ОТ)
(М.О) Мұғалім сабақты ойыннан бастайды. Тақтаға достық туралы тақпақ ілінеді.
Шарты
1.Оқушылар мұғалімнің көмегімен тақпақтағы бос орындарға тиісті сөздерді қоюы тиіс. Мұғалім кестенің сол жағындағы тақпақтың әр жолын оқып, кестенің оң жағындағы сөздермен жалғастырады. Соның ішінен оқушылар дұрыс сөздерді тауып, мұғалім оларды тақтаға жазып қояды.
(МК.Ұ.ОТ)
1-тапсырма. Тыңдау. Ән үйрену.
Достарым бар (Өлеңін жазған: А.Рахметов, әнін жазған:А.Алмағамбетов)
(М) Әнді «ән үйрету» әдістемесі негізінде үйренеді.
(М.О) Әнді хор түрінде орындаудың негізгі талабы: оқушылар әннің әуенін таза, сөздерін анық, әндетіп, айқайламай, мәнер, бір-бірін тыңдап айту қажет.
1. Мақтанышым – мектебім,
Саған бақыт – жеткенім.
Бір сыныпта оқитын
Достарым бар көп менің.
Қайырмасы:
Асқар, Диас, Тұмар-ай,
Дидар, Әділ, Құралай.
Білім алып, ән салатын
Достарым бар мынадай.
(МК.Ұ.ОТ)
2-тапсырма Шығармашылық.
(О) «Сиқырлы есімдер» (ойын)
Суреттегі сызықтарға қарап, сәйкес келетін балалардың есімдерін тауып алу: Ай-жан, Ке-не-са-ры, Ай-дар-бек. Ырғаққа салып айтып беру. Ұрмалы аспаппен сүйемелдеу.