ІІІ. «Ой – толғау» (карточкамен жұмыс)

№ 1. Киіз үй сан ғасырлардан бері қолданыстан түспей пайдаланылып келуінің қандай ерекшеліктері бар?

№ 2. Қазақстанды зерттеуде орыс мәдениетінің тамаша өкілдері ішінен В.И.Дальдің есімі не себепті ерекше орын алады?

№ 3. Орыстың ұлы ақыны А.С.Пушкин қазақтардың өміріне, тарихына не себепті қызыға қарады?

№ 4. ХІХ ғ І ж қазақ жерін зерттеген көрнекті ғалымдар және олардың үлестері мен еңбектері?

Жауаптары:

Саяхатшылар Е.П.Ковалевский, Н.А.Северцев, П.И.Небольсин, т.б. орыс ғылымының белді өкілдері қазақ жерін топографиялық зерттеумен шұғылданды, табиғи байлықтарын анықтады.

• 
  1848-1849 жылы Каспий теңізін зерттеумен шұғылданған кім? (Г.С.КАРЕЛИН)
  
• 
  1831 жылы 18 қыркүйекте қай қалада әскери училище ашылды? (СЕМЕЙ)
  
• 
  1839-1840 жылы орыс әскері қатарында Хиуа жорығына қатысып, 1836-1838 жылы шаруалар көтерілісінің басшылары И.Тайманұлы мен М.Өтемісұлына жанашырлық білдірді? (ДАЛЬ)
  
• 
  1841 жылы Жәңгір ханның мектебі ашылған Орда? (БӨКЕЙ)
  
• 
  Киіз үйдің негізгі қаңқасы? (КЕРЕГЕ)
  
• 
  «Бөкей мен Мәулен» повесін жазып, Орынбор өлкесіндегі қазақтардың тұрмыс жағдайын зерттеген кім? (ДАЛЬ)
  

• 
  Қазақ әдебиеті
  
• 
  Махамбет Өтемісұлы
  
• 
  Шернияз Жарылғасұлы
  
• 
  Шөже Қаржаубайұлы
  
• 
  Сүйінбай Аронұлы
  

Махамбет поручик Аитовқа Есет батырдың қолына түскен тұтқын орыс солдаттарын азат етуіне көмектескен. Ақын орыс офицерімен екінші рет жолыққанда оған өзінің Ресейге жау емес екенін және орыс халқымен достықты қалайтынын, туған ауылында, өз туыстары мен жақын достарының ортасында бейбіт өмір сүргісі келетінін білдіреді.

Бөкей ордасы билеушілеріне өшпенділігін ақын Баймағамбет сұлтанға арнаған өткір өлеңдерінде ашық білдіреді. Ол қазақ шаруаларына жер беруді, озбыр ақсүйектерді биліктен тайдыруды, қаналғандардың кегін алуды арман етеді:

...Өздеріңдей хандардың,

Қарны жуан билердің,

Атандай даусын ақыртып,

Лауазымын көкке шақыртып,

Басын кессем деп едім.

Еділдің бойы ен тоғай,

Ел қондырсам деп едім.

Жағалай жатқан сол елге

Мал толтырсам деп едім...

Шернияздың әдебиет саласына қосқан бір жаңалығы – дәстүрлі, көне замандардан бері көшпенділер өмірінде белгілі орын алған суырыпсалмалық өнерін жетілдірді.

Шөже билеушілердің, жеке би-сұлтандардың екі жүзділігі мен зұлымдығын, басқа да ретсіз қылықтарын әшкерелеп отырды. Шөже – ірі эпик ақын. Әйгілі «Қозы Көрпеш-Баян Сұлу» жырының ең көркем нұсқасы Шөженің айтуымен тараған.