Зерттеудің нысаны: ХХ ғасыр лирикасындағы стиль мен бейнеліліктің тілдік сипаты.
Зерттеудің пәні: ХХ ғасыр лирикасындағы стиль мен бейнеліліктің лексика-грамматикалық, стилистикалық ерекшеліктері.
Зерттеудің әдістері:Зерттеу жұмысында дәстүрлі ғылыми сипаттама жасау, жинақтау, жүйелеу, салыстыру, лексика-семантикалық, стилистикалық талдау әдістері қолданылды.
Зерттеудің жаңалығы:Зерттеу жұмысында көркем әдебиет стилистикасы саласында ғана емес, басқа да салаларда қарастырылатын стиль және бейнелелілік ұғымдарына берілген анықтамаларды жинақтай келе, лингвостилистика саласындағы стиль мен бейнеліліктің ерекшелігі, қызметі, орны ғылыми тұрғыдан тұжырымдалған. Лирика тілі мен автор бейнесі туралы жарияланған еңбектер жан-жақты қарастырылып, ХХ ғасыр лирикасындағы стиль мен бейнеліліктің тілдік табиғаты ашылған. Дәстүрлі көркемдеуіш құралдар мен сөздердің мағыналық топтары, тұрақты тіркестердің бейнелілік тудырып, стиль қалыптастырудағы қызметі ақындардың өлеңдерімен дәлелденген.
